Монголын их гэгээнтэн есдүгээр Богд Жавзандамба хутагтын зөвлөх асан Күнделин Ринпоче энэ сард Халимаг улсад анх удаа айлчилжээ. Тэрээр Халимагт шаджин лам Тело Түлкү Ринпочегийн урилгаар ирж тус нутгийн ард иргэдтэй уулзаж, ном хурж, буддын шашны талаар хөөрөлдсөн байна.

Күнделин Ринпоче бурхан багш Шагжамунигийн алтан сүмд “Ногоон Дарь эх” ном уншиж, “Цагаан Дарь Эх”, “Манзшир” номоор иргэдийг адисласан аж. Тэрээр айлчлалынхаа төгсгөлд Халимагын ард иргэдээс боломжтой цаг бүхэндээ ном хуралд ирж, мөргөж байхыг хүссэн аж. Түүнээс гадна Халимагийн ард түмнийг Далай ламтай харьцах өв залгамжилсан нягт холбоогоо мартахгүй байхыг хүсээд халимаг өвөг дээдэс тавдугаар далай ламын Түвдийг нэгтгэх их үйлсэд хүчтэй нөлөөлж, тус хүргэснийг сануулсан байна.
Тэрээр Ойрд, Энэтхэгт далай ламын хамт Буддын шашиныг дэлгэрүүлж, ард олныг гэгээрүүлэхэд их үйлс оруулж яваа нэр хүндтэй залуу лам нарын нэг аж.

Д.Идэр