УИХ-ын гишүүн У.Хүрэлсүх, Г.Баярсайхан нар Төрийн ордонд зодолдсон нь өнгөрсөн долоо хоногийн "топ" үйл явдал байв. Улс төрчид ч, иргэд ч УИХ-ын гишүүдийн ёс зүй ямар хэмжээнд байгаа талаар өөрсдийн дүгнэлтийг хийж байна. УИХ-ын гишүүн У.Хүрэлсүх твиттер хуудсаараа дамжуулан ард түмнээс уучлалт гуйсан. Тэрбээр "Доромжлолыг тэвчсэнгүй. Тэвчээрт бас хязгаар бий" гэж тайлбарласан юм. Харин тэрбээр энэ үйлдэлдээ намын дүү нараасаа ч бас уучлалт гуйжээ. У.Хүрэлсүх гишүүн "Дүү нартаа буруу үлгэр үзүүлсэнд уучлаарай! Та нар ингэж болохгүй шүү! Ах нь ч одоо нэг нүүрний цаана хоёр амьдраад яахав!" гэж өчжээ. Шүүхэд дуудагдахад хүрээд байгаа У.Хүрэлсүх Төрийн ордонд зодоон хийсэндээ ийнхүү уучлалт гуйсаар байна.