Монголын гурван удаагийн ч засгийн газрын шийдэж чадаагүй Замын-Үүдийн чөлөөт бүсийн асуудлыг Эдийн засгийн хөгжлийн сайд Н.Батбаяр нэг жилийн дотор шийдвэрлэхээ амлалаа.

Тэрээр энэ долоо хоногийн эхээр тус чөлөөт бүсийн ажилтай танилцсан юм. Танилцах ажлын үеэр Н.Батбаяр “Замын-Үүдийн зурвас хэтэрхий нарийхан болохоор бид өндөр үнэтэй бүтээгдэхүүн хэрэглэж байгаа юм. Үнийн өсөлтийг бууруулах ганц арга бол нарийн зурвасыг өргөсгөх. Ингэхийн тулд хичнээн төгрөг хэрэгтэй байна. Хөгжлийн банкинд хангалттай мөнгө байна. Ирэх жилдээ багтаад бүх асуудлыг шийдье” хэмээн амласан байна.

Монголын гурван удаагийн ч засгийн газрын шийдэж чадаагүй Замын-Үүдийн чөлөөт бүсийн асуудлыг Эдийн засгийн хөгжлийн сайд Н.Батбаяр нэг жилийн дотор шийдвэрлэхээ амлалаа.

Тэрээр энэ долоо хоногийн эхээр тус чөлөөт бүсийн ажилтай танилцсан юм. Танилцах ажлын үеэр Н.Батбаяр “Замын-Үүдийн зурвас хэтэрхий нарийхан болохоор бид өндөр үнэтэй бүтээгдэхүүн хэрэглэж байгаа юм. Үнийн өсөлтийг бууруулах ганц арга бол нарийн зурвасыг өргөсгөх. Ингэхийн тулд хичнээн төгрөг хэрэгтэй байна. Хөгжлийн банкинд хангалттай мөнгө байна. Ирэх жилдээ багтаад бүх асуудлыг шийдье” хэмээн амласан байна.

Дорноговь аймгийн Замын-Үүдийн боомт бол манай улсын эдийн засгийн хөгжлийн гол гүүр юм. Монголын экспорт, импортын 70-80 хувь нь энэ боомтоор дамжин өнгөрдөг. Мөн хоногт 3000 иргэн урд хөрш рүү гарахаар ирдэг аж. Харамсалтай нь Замын-Үүдийн чөлөөт бүсийн ажил явцгүй байгаагаас бид өндөр үнэтэй бүтээгдэхүүн хэрэглэж, 100 мянган айл орон сууцны хөтөлбөр гацаж байгаа юм. Учир нь импортоор ирж буй 120 гаруй төрлийн барилгын материалын 70 орчим хувийг цемент эзэлж байна. Хятадаас ирсэн цементийг Зам-Үүдэд вагонд ачуулахын тулд 10 хонох шаардлага гардаг байна. Вагон хүрэлцээгүй, шалгалт удаан зэрэг нь цементийн үнэ тэнгэрт авирах шалтгаан болдог аж. Бусад барааны үнэ ч мөн адил энэ шалтгаанаас өсдөг. Хилээр өдөрт 700-1000 машин орж гардаг. Нэг машиныг шалгахад дунджаар 30 минут зарцуулдаг. Ингээд л бөөн хүлээлт, оочир үүсдэг юм байна.

Уулзалтаар хоёр улсыг холбосон автозам барих асуудал болон үнийн өсөлт, хүн хүч, халуун хүйтэн усан хангамж, барилга байгууламж гээд шийдэх ёстой олон асуудал сөхөгдсөн юм.

Монгол Улс 2002 онд чөлөөт бүс байгуулах асуудлыг парламентаараа хэлэлцэж шийдвэрлэсэн. Гэвч энэхүү эдийн засгийн чөлөөт бүс өнөөдөр ч яриа төдий, шийдэгдээгүй олон асуудалтайгаа хамт цаасан дээрх мөрөөдлийн төлөвлөгөө хэвээрээ байна. Үнэхээр монголчууд амалсандаа хүрч, ажлаа хийсэн шиг хийдэгсэн бол Замын-Үүдэд эдийн засгийн чөлөөт бүс аль хэдийн байгуулагдчихсан байх байлаа.

“Хэзээ Замын-Үүд эдийн засгийн чөлөөт бүс болж хөгжин, Монгол Улсын эдийн засагт өгөөжөө өгөх юм болоо” гэж санаа алдан суугаа иргэдийн хүслийг шинэхэн сайд биелүүлж чадах болов уу. Хэрвээ Эдийн засгийн хөгжлийн сайд Н.Батбаяр амласан амлалтдаа хүрч Замын-Үүдийн олон асуудлыг нэг жилийн дотор шийдвэл Монголын засгийн газрын 10 жил чадаагүй ажлыг чадсан баатар болох биз.