Оюутолгойн ордын гэрээнд Монголын төрийн хувийг 50 хувиас доошгүй болгох шаардлагыг өчигдөр УИХ-ын хэсэг гишүүд ерөнхий сайд Н.Алтанхуягт тавьсан. Энэ үеэр бие даагч гишүүн С.Ганбаатар ийм монголчуудад ашиггүй гэрээ өнөө хүртэл үргэлжилж байгаад бүхимдаж байгаагаа хэлсэн. Тэрбээр яагаад ийм гэрээ хийсэн талаар тухайн үед Сангийн сайдаар ажиллаж байсан УИх-ын гишүүн С.Баярцогтоос асуухыг хүсчээ. Тиймээс С.Баярцогт гишүүнийг олон нийтийн өмнө уулзаж, ярилцахыг хүсч, дуэльд дуудсан юм. Тэрбээр “Хэрвээ энэ гэрээ ашиггүй, харин ч монголчуудад гарзтай болсон бол С.Баярцогт хариуцлагаа хүлээ. Хэрэв миний буруу бол би хариуцлагаа хүлээе” гэж мэдэгдэв.  С.Баярцогт гишүүний урилгийг хүлээж авбал Оюутолгойн гэрээний талаар ширүүхэн маргаан өрнөх нь дамжиггүй.