Нийслэлийн 12 албан тушаалтан халагдах өргөдлөө өгчээ. Тухайлбал, Нийслэлийн боловсролын газар, Авто замын газар, Өмчийн газрын дарга нар солигдсон байна. Тэд эрүүл мэнд муу, мэдлэг боловсрол тааруу, тэтгэвэрт орох нас болсон, төрийн албаны шалгалт, сонгон шалгаруулалтад ороогүй хэмээн өргөдөлдөө дурьджээ. Харин ЗДТГ-аас нэг ч хүн халагдах өргөдлөө өгөөгүй байгаа юм байна. Хэдийгээр Нийслэлийн Засаг дарга Э.Бат-Үүл халаа сэлгээг урьтал болгохгүй ч 12 албан тушаалтан өргөдлөө өгсөн байгаа аж. Эх сурвалжийн мэдээлснээр, үлдэж байгаа албан тушаалтнуудыг хуулийн байгууллагад шалгуулна. Тиймээс зарим нэг дарга нар халагдах өргөдлөө өгөөд байгаа гэв. Б.Чимэг
