Өнгөрсөн сард Унгарын Бугац хотноо Хүн-түрэг ард түмний их хуралдай болжээ. Казахстан, Узбекистан, Монгол, Молдав, Болгар, Турк, Азербайжан, Туркменистан, Киргиз болон Хятадын Шинжаан-Уйгар, Оросын Башкир, Татарстан, Буриад, Тыва, Якут зэрэг 17 орны 25 үндэстний төлөөлөгч энэ наадамд иржээ. Унгар улсын Тураны нийгэмлэгийн урилгаар гадаадын 100 гаруй төлөөлөгч их хуралдайд оролцсон тухай Буриадын дуучин бүсгүй бахархалтайгаар мэдэгдэж байна. Унгарын “Карпатия” рок хамтлаг, Казахстаны ардын урлагийн “Туран” чуулгатай хамт тайзнаа бүтэн концерт тоглох эрхийг Мядагмаад олгожээ. Түүний дуулсан “Адyyшанай дyyн”, “Залyyшyyл, урагша!”,  “Барбагайн шэнэн”, “Аарья бала”, “Басаганай дуун” болон монгол киноны саундтрэк болох “Dance with me” зэрэг бүтээлийг нь Унгарын үзэгчид алга нижигнүүлэн хүлээн авчээ.

   -Хамгийн харамсалтай нь Буриадаас очсон төлөөлөгчид бид хоорондоо төрөлх хэлээрээ бус оросоор харилцаж байсан нь сэтгэлд тун гонсгор байлаа. Татарууд татараараа, хасагууд казахаараа гээд бүгд төрөлх хэлээрээ ярьж байхад бид л оросоор яриад байдаг. Үндэсний хэлээ аварах зайлшгүй шаардлагатай цаг тулж иржээ. Долоо хоногт  буриад хэлний хэдэн цагийн хичээл сургуульд ордог талаар асууцгааж байна лээ. Сайндаа л цаг хагас байлгүй дээ. Ядаж өдөрт нэг цаг төрөлх хэлээ үзмээр юм. Хэлээ мэддэг байхад хожно уу л гэхээс алдахгүй. Манай хэл чинь монгол хэлний төрөл шүү дээ гэж Мядагмаа Доржиева Унгарт очоод ирсэн гол сургамжийнхаа тухай сэтгүүлчид хуучилсан байна.