Морин хуурын чуулгын 14 хөгжимчин энэ сарын 17-нд Итали улсыг зорино. Тэд Италид зохион байгуулах олон улсын хөгжмийн наадамд оролцохын зэрэгцээ Европт ажиллаж, амьдардаг өвөрмонгол дуучин Н.Урнаагийн тоглолтод оролцох юм. Морин хуурын чуулгынхны аялал энэ сарын 25 хүртэл үргэлжлэх бөгөөд гадаадад амьдардаг монголчуудтайгаа уулзалт зохион байгуулж, бага хэмжээний тоглолт хийх төлөвлөгөөтэй байгаа аж.