Гадаадын иргэн, харьяатын газрын даргаар цагдаагийн хурандаа Н.Ууганбаярыг томилжээ. Засгийн газрын тогтоолыг ЗГХЭГ-ын Хууль эрх зүйн газрын дарга Н.Мягмар танилцуулж, Гадаадын иргэн, харьяатын газрын тамга, тэмдгийг өмнөх дарга хурандаа Д.Мөрөн гардуулан өгч, ажлын амжилт хүссэн юм.

Д.Мөрөнгийн хувьд тус газрын дэд даргаар үлдсэн бололтой. Ташрамд дурдахад, Н.Ууганбаяр нь Чингэлтэй дүүргийн цагдаагийн хэлтэст эрүүгийн төлөөлөгч, эрүүгийн цагдаагийн газарт төлөөлөгч, ахлах төлөөлөгч, Сонгинохайрхан дүүргийн цагдаагийн хэлтэст тасгийн дарга, Эрүүгийн цагдаагийн газарт тасаг, хэлтсийн дарга зэрэг албан тушаалыг хашиж байгаад 2012 онд  тус газрын даргаар томилогдож байса нэгэн.

Түүний хувьд Эрүүгийн цагдаагийн газрын даргаар ажиллаж байгаад салбарын сайд Х.Тэмүүжиний эсрэг ажиллагааг зохион байгуулсан гэх хилс хэргээр албанаас чөлөөлөгдөж байв.

С.Сүлд