“Лондон-2012” зуны ХХХ олимпийн наадмын жүдо бөхийн эрэгтэйчүүдийн 73 кг-ын жинд барилдаж хүрэл медаль хүртсэн олон улсын хэмжээний мастер, Монгол улсын гавъяат тамирчин, Увс аймгийн Тэс сумын харьяат Сайнжаргалын Ням-Очирт хүндэтгэл үзүүлэх баяр наадам энэ сарын 2-нд төрөлх Тэс суманд нь өргөн дэлгэр болж өнгөрлөө.

   “Лондон-2012” зуны ХХХ олимпийн наадмын жүдо бөхийн эрэгтэйчүүдийн 73 кг-ын жинд барилдаж хүрэл медаль хүртсэн олон улсын хэмжээний мастер, Монгол улсын гавъяат тамирчин, Увс аймгийн Тэс сумын харьяат Сайнжаргалын Ням-Очирт хүндэтгэл үзүүлэх баяр наадам энэ сарын 2-нд төрөлх Тэс суманд нь өргөн дэлгэр болж өнгөрлөө.

Баяр наадмын үеэр улс, аймаг, сумын цолтой хүчит 64 бөх зодоглож, хурд хүч, авхаалж самбаагаа сорин барилдахад цэргийн арслан Б.Ганзориг түрүүлж, улсын харцага Э.Батбаатар үзүүрлэсэн юм.

 Түүнчлэн их нас, азарга, дааган морьдын уралдаан болж, их насны морьдын уралдаанд 43 хурдан буян уралдсанаас Тэс сумын хоёрдугаар багийн иргэн аймгийн алдарт уяач Ч.Батаагийн хээр түрүүлж, тавдугаар багийн иргэн аймгийн алдарт уяач Г.Балжиннямын бор аман хүзүүдэн, гуравдугаар багийн иргэн аймгийн алдарт уяач Ц.Баттулгын хээр, аравдугаар багийн уяач Даваагийн хүрэн, дөрөвдүгээр багийн иргэн аймгийн алдарт уяач Н.Лхайжавын бор айрагдаж, хурсан олныг баясгалаа.
Азарганы уралдаанд нэгдүгээр багийн иргэн аймгийн алдарт уяач Н.Цогтоогийн хүрэн түрүүлж, зургаадугаар багийн иргэн аймгийн алдарт уяач Д.Намгарын хээр аман хүзүүдэн, хоёрдугаар багийн иргэн аймгийн алдарт уяач Н.Лхайжавын халтар, гуравдугаар багийн иргэн аймгийн алдарт уяач Ц.Амартөрийн начин халтар, нэгдүгээр багийн уяач П.Байгалийн хээр айрагдав.

Ц.Болор