Өнөөдөр зарим хэвлэлээр УИХ-ын гишүүн Г.Баярсайхан, Нийслэлийн Засаг дарга Э.Бат-Үүл нарыг заамдалцсан хэмээх мэдээлэл гарчээ. Тэднийг барилгын асуудлаас болж муудалцсан хэмээн бичсэн байв. Тодруулбал, Чингэлтэй дүүргийн нэгдүгээр хорооны 40 мянгатын 40, 41 дүгээр байрны ард баригдаж буй барилгыг бариулахгүй гэх шийдвэрийг Э.Бат-Үүл гаргасан байна. Гэтэл тэр нь УИХ-ын Г.Баярсайханых гэжээ. Тиймээс уг асуудлаас болж, тэд хоорондоо муудалцсан гэв. Харин энэ талаар УИХ-ын гишүүн Г.Баярсайханаас тодруулахад, “Надад ямар нэгэн хувийн барилга байхгүй. Энэ бол ташаа мэдээлэл. Мөн Э.Бат-Үүл даргатай ч муудалцаагүй. Уулзаагүй яваа хүмүүс хэдий завандаа муудалцах вэ дээ. Гүтгэлгийн шинжтэй мэдээлэл цацагдсан байна” гэлээ. Б.Чимэг
