“Эх нялхасын эрүүл мэндийн төв”-д зүрх судас холбогч эдийн эмгэг судлалын тасагт “Пульсоксометр” буюу хүний цусан дахь хүчилтөрөгчийн хэмжээг тогтоогч багаж болон өвчтөнийг өтгөрүүлсэн хүчилтөрөгчөөр хангадаг “Вабробын аппарат” хандивлалаа. Энэхүү тусламжийн гараа сунгасан байгууллага бол MGFM ХХК бөгөөд тус байгууллага нь дэргэдээ  “Чойсүрэн & Сүх” сан байгуулж, буяны үйл ажиллагаа явуулж эхлээд байна.

Өнөө цагийн хотжилт, хүн амын төвлөрөл, иргэдийн хэрэглээний онцлогоос хамааран шинээр төрж байгаа бяцхан иргэдэд маань зүрх судасны элдэв хүндрэлүүд гарах нь ихэссэн. Тиймээс ЭНЭМТ-д улсын хэмжээнд олон арван хүүхэд, нялхас ханддаг учраас тоног төхөөрөмжийн хүчин чадал хүрэлцдэггүй, тэдний аюулгүй байдалд учирч байгаа бэрхшээлүүдээс сэргийлэхэд амаргүй байдаг тухай  мэдээлэл бий.

Иймд тус сангаас ЭНЭМТ-д  цаашдаа ч зүрх судас холбогч эдийн тасаг дахь эхоны өрөө болон хэвтэн эмчлүүлдэг өрөөнүүдийг орчин үеийн олон улсын шаардлагад нийцсэн тоног төхөөрөмж болон тухайн орчинд шаардагдах бусад хэрэглээний зүйлсээр ханган тохижуулж өгөхөөр төлөвлөж байгаа аж.