Өнөөдөр УИХ-ын нэгдсэн чуулган 10 цагт эхлэхээр зарлагдаад байна. Чуулганаар:

- Нийгмийн даатгалын тухай хуульд нэмэлт, өөрчлөлт оруулах тухай, Нийгмийн халамжийн тухай хуульд нэмэлт, өөрчлөлт оруулах тухай хуулийн төслүүд /эцсийн хэлэлцүүлэг/;
- Монгол Улсын 2012 оны төсвийн тухай хуульд нэмэлт, өөрчлөлт оруулах тухай, Нийгмийн даатгалын сангийн 2012 оны төсвийн тухай хуульд өөрчлөлт оруулах тухай, Хүний хөгжил сангийн 2012 оны төсвийн тухай хуульд нэмэлт, өөрчлөлт оруулах тухай хуулийн төслүүд /дөрөв дэх хэлэлцүүлэг/;
- Монголбанкны Ерөнхийлөгчийн албан тушаалаас чөлөөлөх, томилох тухай асуудал;
- Хүний хөгжил сангийн тухай хуульд нэмэлт оруулах тухай хуулийн болон "Засгийн газрын үнэт цаас гаргахыг зөвшөөрөх тухай" Улсын Их Хурлын тогтоолын төслүүд /хэлэлцэх эсэх/;
- Аймаг, сум, дүүргийн иргэдийн Төлөөлөгчдийн Хурлын сонгуулийн тухай, Монгол Улсын засаг захиргаа, нутаг дэвсгэрийн нэгж, түүний удирдлагын тухай хуульд нэмэлт, өөрчлөлт оруулах тухай, Иргэний бүртгэлийн тухай хуульд нэмэлт, өөрчлөлт оруулах тухай, Орон нутгийн Хурлын сонгуулийн тухай хууль хүчингүй болсонд тооцох тухай хуулийн болон холбогдох УИХ-ын тогтоолын төслүүд /анхны хэлэлцүүлэг/-ийг хэлэлцэнэ.

 Мөн дараах хуулиудын эцсийн найруулгыг сонсох юм.

1/Шүүхийн захиргааны тухай хуульд нэмэлт, өөрчлөлт оруулах тухай хууль;
2/Хуульчийн эрх зүйн байдлын тухай хуульд өөрчлөлт оруулах тухай хууль;
3/Монгол Улсын Ерөнхийлөгчийн тухай хуульд нэмэлт, өөрчлөлт оруулах тухай хууль;
4/Шүүх байгуулах тухай хуульд нэмэлт, өөрчлөлт оруулах тухай хууль;
5/"Шүүгчийн орон тоо тогтоох тухай" Улсын Их Хурлын тогтоол;
6/""Прокурорын байгууллагын бүтэц, зохион байгуулалт, цалингийн санг тогтоох тухай" тогтоолын хавсралтад нэмэлт оруулах тухай" Улсын Их  Хурлын  тогтоол;
7/Онцгой албан татварын тухай хуульд нэмэлт, өөрчлөлт оруулах тухай хууль;
8/Гаалийн тариф, гаалийн татварын тухай хуульд нэмэлт оруулах тухай хууль;
9/Нэмэгдсэн өртгийн албан татварын тухай хуульд нэмэлт оруулах тухай  хууль;
10/Хөдөлмөр эрхлэлтийг дэмжих тухай хуульд нэмэлт оруулах тухай хууль;
11/""Импортын барааны албан татварын хувь, хэмжээ батлах тухай" тогтоолд нэмэлт, өөрчлөлт оруулах тухай" Улсын Их Хурлын тогтоол;
12/ "Улсын төсвийн алдагдлыг санхүүжүүлэхэд зориулан Засгийн газрын  үнэт цаас гаргахыг зөвшөөрөх тухай" Улсын Их Хурлын тогтоол.