Швейцарийн хөгжлийн агентлагийн “Тогтвортой бичил уурхай” төслийн хүрээнд Нийгмийн даатгалын ерөнхий газартай хамтран Баянхонгор аймгийн Бөмбөгөр, Галуут, Жаргалант, Баян-Овоо сумдад гар аргаар ашигт малтмал олборлодог иргэдэд нийгмийн болон эрүүл мэндийн даатгалын талаар мэдлэг олгох сургалтыг долоо хоногийн хугацаанд явуулжээ. Ирэх долоо хоногт Хэнтий аймгийн Цэнхэрмандал, Баян-Адарга, Норовлин, Батноров, Бэрх сумын бичил уурхайчдыг сургалтад хамруулах аж.

Сургалтаар “Хувиараа ашигт Малтмал олборлогч иргэд, бичил уурхайчид эрүүл мэндийн болон нийгмийн даатгалд хэрхэн хамрагдах, Нийгмийн даатгалын сангаас үзүүлэх тусламж үйлчилгээ, бичил уурхайчид сайн дурын даатгалд хамрагдахын ач холбогдлын тухай дэлгэрэнгүй мэдээллийг өгч буй аж.