Солонгосын хөрөнгө оруулалттай компанид ажилладаг Монгол ажилчин үндэслэлгүйгээр ажлаасаа халагдаж байна гэж байгууллагатаа хандахад, тэднийг хүлээн авахгүйгээр барахгүй зоджээ. Ингээд тэд биед нь халдсан учраас цагдаа дуудаж, улмаар ТВ-8 телевизэд энэ тухайгаа мэдээлсэн байна. Харин мэдээллийн  дагуу очсон ТВ-8 телевизийн сэтгүүлч Ж.Минжин, Б.Ганболд , н.Болортуяа,жолооч Амарсайхан нарын биед ажлаа хийж байх үед нь ноцтой халдаж бүлэглэж зодсон , мөн камер, гар утас зэргийг нь авч , барьцаалсан байна. Улмаар энэ тухай Монголын хэвлэл мэдээллийхэн мэдсэн даруйдаа очсон болов ч, тус компаний Солонгос эзэд, ажилчдынхаа хамтаар цагдаагийн хамгаалалтанд гарч явсан байна. Үдийн 11 цагийн орчимд Сүхбаатар дүүргийн 1-р хороонд байрладаг blue sky таверийн в1 давхарт болсон эл үйл явдал Сүхбаатар дүүргийн Цагдаагийн хэлтэст шалгагдаж байна. Түүнчлэн хохирогчид хэргийг шударгаар шийдвэрлүүхийг хүсч байгаагаа илэрхийлж шүүх, прокурорын байгууллагад хандахаар болоод байгаа юм байна. Шударга үнэний төлөө , иргэдийн дуу хоолойг хүргэж ажилладаг сэтгүүлч хэвлэл мэдээллийн ажилтнуудад ноцтой байдлаар хандсан  хэрэг иймэрхүү байдлаар гарсаар байгаа нь харамсалтай.