Өнгөрсөн долоо хоногт Богд хан уулын дархан цаазат газарт гэнэтийн эргүүл хийжээ. Шалгалтын үеэр дархан цаазат газарт хамаарах Нүхт, Манзушир, Айргийн ам зэрэг газарт 55 хүн нууцаар самар түүж байсныг илрүүлсэн байна. Улмаар тэдний түүсэн 100 гаруй кг самрыг хураан авч улсын өмч болгожээ. Мөн тарвага нууцаар агнасан, зөвшөөрөлгүй газар буусан зэрэг хэд хэдэн хэргийг илрүүлж, бүгдэд нь арга хэмжээ авсан байна. Түүнчлэн шалгалтын явцад байгаль хамгаалагчдын хэсгүүд намрын хуурайшлын үе, дөрөвдүгээр улиралд хяналт шалгалт явуулах ажлын төлөвлөгөөгөө батлуулан ажилласан байна. Хан-Уул, Баянзүрх дүүргийн Цагдаагийн хэлтсүүдэд дархан газрын бүсэд хамтарсан шалгалт явуулах талаар албан тоот хүргүүлсэн аж.Б.Золбоо
