Өнгөрсөн амралтын өдрөөр цагдаагийн байгууллагад золгүй байдлаар амиа алдсан хэд хэдэн тохиолдол бүртгэгджээ. Тодруулбал, Хөвсгөл аймгийн Мөрөн суманд 25 настай, эрэгтэй Ү нь барилгын материалын шугам засч байгаад амиа алдсан байна. Мөн Булган аймгийн Гурванбулаг сумаас 10 км-ийн зайд оршин суух 32 настай эрэгтэй Г нь мотоцикльтэй явж байгаад онхолдож нас баржээ. Түүнчлэн Сэлэнгэ аймгийн Баянгол сумын Будааны энгэр гэдэг газар Э гэх эмэгтэй өөрийн төрүүлсэн хоёр сартай охиныг боомилж амь насыг нь хохироосон хэрэг гарсан байна. Уг эмэгтэйг цагдан саатуулж, хэргийг шалгаж эхэлжээ.
Б.Золбоо
