“Хурд”-ын Отгонбаяр гэх энэ нэрийг сонссон ямар ч монгол хүний оюун санаанд тайзан дээр гитараа барин манлайлах эрч хүч дүүрэн нэгэн уран бүтээлч төсөөлөгддөг нь гарцаагүй биз ээ.

  Харин түүний урлагт хорин жилийн турш сэтгэл зүрхээ зориулан цуцалтгүй хөдөлмөрлөхдөө чухам хэн болон төлөвшиж ямар их зүйлийг амжуулсаныг хүн болгон мэдэхгүй ч байж болох юм. Отгонбаярыг гитараа бариад суухад хүний сэтгэлийг уяраах увдистай эгшиг ундран гарч тэр нь “Хурд” хэмээх нэрээр овоглуулсан олон сайхан дууг чимж ирсэн.

  Гэхдээ энэ нь түүний авъяас билгийн нэгээхэн хэсэг билээ. Юу гэвэл түүний зохиосон олон дуунуудыг манай үе үеийн хамтлаг дуучид дуулан түүгээр Монголын рок попын тэнгэрт од болон гялалзсаар ирсэн юм.

  Энэ сайхан уран бүтээлч маань ирэх сард өөрийн бие даасан тоглолтоо хийж олон мянган фенүүддээ сэтгэлийн цэнгэл эдлүүлэх гэж буйг уламжлах нь тун таатай байна. Отгонбаяр ахдаа амжилт хүсье.