Сүхбаатар аймгийн Эрдэнэцагаан сумын нутагт 1990 онд А-26 онгоцны ослоор нас барсан Хилийн цэргийн дээд сургуульд цэргийн эрдэм шинжилгээний ажилтан, НАХЯ-ны Цэргийн их сургуульд улс төрийн орлогч даргаар ажиллаж байсан дэд хурандаа Б.Сонинпил агсны гэргий С.Цэвээн Төрийн ордоны гадна талд суулт зарлаж байгаа талаар бид өмнө нь мэдээлсэн билээ. 

Тэгвэл Засгийн газрын Хэрэг эрхлэх газрын дарга Ц.Нямдорж яг одоо С.Цэвээнийг хүлээн авч уулзаж байна.

Энэ талаарх мэдээллийг бид эргэн хүргэх болно. 

Дашрамд өгүүлэхэд, 1990 онд албан үүргээ гүйцэтгэж яваад амь насаа алдсан Б.Сонинпилийг таалал төгссөний дараа Нийгмийн аюулаас хамгаалах яамны, байлдааны гавъяаны одонт цэргийн дээд сургуулийн захирлын 1990 оны хоёрдугаар сарын 21-ний өдрийн б/57 дугаар тушаалаар 700 мянган төгрөгийн буцалтгүй тусламж, цагдаагийн дээд сургуулийн 1993 оны гуравдугаар сарын 18-ны өдрийн б/70 дугаар тушаалаар 2000 төгрөгийн буцалтгүй тусламж тус тус олгосон гэх баримт архивт хадгалагдаж байгаа аж. Гэсэн ч түүний ар гэрийнхэн энэхүү мөнгийг аваагүй учир нэр төрөө сэргээлгэхээр, Ерөнхий сайдад хандаж суулт зарласан юм.

Б.Баатар