Коронавирусний эмчилгээний гол эм болох АРБИДОЛ эмийн эрэлт ихсэж, үнэ хөөрөгдөж байгаа талаар бид өмнө нь мэдээлсэн билээ. Тэгвэл Шударга өрсөлдөөн хэрэглэгчийн төлөө газраас тус эмийн зах зээл дэх үнэд хяналт шалгалт хийхээр болжээ.

Тодруулбал, "ШӨХТГ-аас эм ханган нийлүүлэх үйлдвэр болон эмийн сангуудад “Эм, эмнэлгийн хэрэгслийн хяналт, зохицуулалтын газар”- тай хамтарсан хяналт, шалгалтыг эхлүүллээ.

Хяналт, шалгалтын зорилго нь коронавируст цар тахлын эмчилгээний удирдамжид багтсан вирусний эсрэг эмийн зах зээл дэх үнэд хяналт, шалгалт  хийх аж.  Мөн вирусний эсрэг эмийн ширхэгийн болон багцын үнэд хяналт, шалгалт хийж, илэрсэн зөрчлүүдэд арга хэмжээ авч ажиллахаар болжээ.  

Түүнчлэн ковид-19 халдварын үед яаралтай горимоор импортлох нэг удаагийн зөвшөөрөлтэй бусад эмийн үнийг олон нийтэд ил тод мэдээлэхээр болсон байна.

Б.Баатар