Уянгалаг сайхан дуунуудаараа залуусын зүрх сэтгэлийг уярааж, хийж бүтээхийн оргилуун их хүсэл тэмүүллээр жигүүрлэн үе тэнгийн залуустаа үлгэр дуурайлал болсон Монголын шинэ залуу үеийн манлайлагчдын нэг бол дуучин A Cool буюу Б.Анхбаяр билээ. Тэрбээр 1980-аад онд хит болж байсан “Цэцэгчний хүслэн” дууг шинэчлэн дуулсан юм. 20 жилийн дараа хуучны сайхан дууг сэргээн дуулсан нь олон хүний зүрх сэтгэлд хүрсэн уран бүтээл болсон гэж сонсогчид дүгнэж байгаа юм. Түүнчлэн “Татар” хамтлагийн Заяатай хамтран шинэ уран бүтээл хийсэн аж. Тэгвэл тун удахгүй дүрсжүүлэн үзэгчдэдээ хүргэх гэнэ.