Төрийн тахилгат Сутай хайрханы тахилгын талаар нийгмийн сүлжээнд иргэд янз сэтгэгдэл бичиж байна. Шүүмжилсэн сэтгэгдэл ч их байгаа юм. Тэгвэл энэхүү тахилга болсоны дараа Монгол Улсын Ерөнхийлөгчийн Тамгын газрын дарга Ө.Шижир өөрийн цахим хаягтаа юу бичиж, илэрхийлсэнийг хүргэе. 

Заа өчигдөр өнөөдөр өрнөөд байгаа сэдвийн талаар ганц бодлоо бичье даа. Хүлээн авна уу. Уул овооны тайлга тахилга бол байгаль дэлхийн жам ёсыг танин мэдсэн ухаант өвөг дээдсийн маань эх болсон байгалиа хайрлан хамгаалах, эрхэмлэн дээдлэх мэдлэг оюунаас бүрэлдсэн, мянга мянган жилийн ёс уламжлал юм. Монголын төрөөс үеийн үед хадгалсаар ирсэн заншил соёл, урьдын журмыг баримталж, төрт ёс, түүхэн уламжлалыг хүндэтгэн Төрийн тахилгат хайрхан уулсын тэнгэрийг тайх ёслолыг үйлддэг учиртай. Өвгөдөөс өвлүүлсэн өлгий нутаг, өв соёлыг үрийн үрдээ өвлүүлэн бадраахаар бид Төрийн дуулалдаа дархалсан улс шүү дээ.

Бидний мянга мянган жилийн уламжлал болсон Уул овоо тахих зүйлийг ЮНЕСКО хүн төрөлхтөний яаралтай хамгаалах шаардлагатай соёлын өвөөр бүртгэсэн билээ. ЮНЕСКО шүү, бид биш. Ер нь сүүлийн жилүүдэд Монголын уламжлалт зан үйл, түүхэн заншилруу их дайрч давшлах боллоо. Цагаан сар, наадмыг зохион байгуулалттай үгүйсгэх явдал ч идэвхжлээ. Уламжлалт зан үйлүүд нь тухайн үндэстний оршин тогтнох дархлааны амин сүнс юм шүү дээ.

Гэтэл энэ дархлаагаа үгүйсгэж байгаа бол сайхан тарган ууц, идээ будааныхаа оронд цацагт хяруул идэж, улаан өндөгний, талархлын баярыг цагаан сар, наадмынхаа оронд албан ёсоор тэмдэглэдэг болох уу? Цаашлаад хүүхдийн үс авах найраа хүртэл өөрчлөх болох уу? Би Ерөнхийлөгчийн Тамгын газрын даргын албан тушаалыг жил гаруй хугацаанд хашихдаа төрийн тахилгат Бурхан халдун (2020.10.26), Их богд хайрхан (2021.05.29) зэрэг төрийн тахилгын зан үйлд оролцож байлаа. Уул овооны тахилга тайлал бол бидний бусдаас ялгарах онцлог(national identity) өв соёл, түүх юм болов уу даа, өв соёл түүхэн уламжлалаа гээхгүйхэн шиг даяаршилын энэ үед Монгол Монголоороо үлдэх юмсан даа.