Уншигч танд чөлөөт цагаа өнгөөрөхөд тохиромжтой дараах үйлчилгээний газруудыг танилцуулж байна.
1.1000 хот кофе шоп
Дэгжин тохижилт, халуун амттай уух зүйлс, намуун орчин гээд таныг татах олон зүйл энд бий. Үүдээр нь ормогц ширээ, сандал, ханын тохижилт нь онцгой содон мэдрэмж төрүүлнэ. Дэлхийн хотуудын онцлог өнгө төрхийг энэхүү үйлчилгээний газар шигтгэжээ.
Байршил: Peace mall худалдааны төвийн 2 давхарт
2.Хоёр хэмжээст
Өвөрмөц интерьер засал, хаана ч байхгүй шинэлэг амт энд байна. Зочдыг гутлаа тайлж ордог өрөө ч хүлээж байна. Эндэхийн кофены аяга нь содон, цор ганц хэвлэлттэй юм.
Байшил: Хүүхдийн 100 Наранмолоос хойшоо 11 дүгээр сургууль явах замд
3.Coffee Esperanto
Эртэч хүн бүрийн зорих газар бол “Coffee Esperanto”. Энэ байгууллага өглөө 07:00-00:00 цаг хүртэл ажилладаг ба өөрийн дуртай дуугаа сонгох боломжийг олгоно. Тусгай өрөөндөө шинэ жил, төрсөн өдөр зохион байгуулах ч боломжтой. Өөрийн гараар хүссэн кофегоо найруулан уух боломжийг мөн бүрдүүлжээ.
Байршил: 120 мянгат, Хас банктай залгаа байр
4.Maison Frank Off
Бялуунд дурлагсад энэ газар руу зүглэхэд нэн тохирно. Бялууны амт, чанарыг эрхэмлэдэг хэн бүхэнд ази хэв маягийн шинэхэн бүтээгдэхүүнээр угтах болно. Заал танхим нь саруулхан тул найзуудтайгаа ирж үйлчлүүлэхэд тухтай юм билээ.
Байршил: Натурын зам дагуу Далай Тауэрын 1 давхарт
5.Sweetland
Олон төрлийн содон амт, өвөрмөц бялууг зөвхөн Sweetland-аас мэдэрч болно. Танил амт, тухтай орчин энд бүрдсэн байна. Шинэ жилийн баяр дөхсөн энэ өдрүүдэд таны сонгох газрын нэг байна гэдэгт итгэлтэй байж болно.
Байршил: Хуучин Орчлон, одоогийн Сэлбэ сургуулийн эсрэг талд Хатан сүйх төвийн 1 давхарт
6.Café camino
Кофенд дурлагсадын зорих газрын нэг бол Café Camino. Specialty coffee буюу дэлхийд хамгийн амттай өндөр зэрэглэлд хамаарагддаг, гар аргаар нэрсэн тусгай кофегоор үйлчлэхээс гадна хуурч үйлдвэрлэдэг байна. Кофегоо ази хүнд тохиромжтой хэлбэрээр хуурч үйлчилдэг гэнэ. Мөн үйлдвэрийн амттай жигнэмэг, бялууг зөвхөн Café camino-гоос амтлаарай.
Байршил: Мөнгөн завьяагийн ард Denver office 1 давхарт
Т.Мөнхжаргал
