Хүн амын амьжиргаа, ядуурал нь дэлхий нийтийн анхаарлын төвд байдаг асуудлын нэг бөгөөд түүнийг бууруулах чиглэлээр олон улс орон, олон улсын байгууллагууд хамтран ажилласаар ирсэн. Үүний нэг адил Монгол Улсын төр, засаг ч ядуурлын эсрэг, ядуурлыг бууруулахын төлөө тууштай ажилласаар ирлээ. Ядуурлыг бууруулах бодлогыг амжилттай хэрэгжүүлэхийн тулд бодитой тоо, мэдээллийг олон улсад хүлээн зөвшөөрөгдсөн аргачлалаар тооцож, мэдээллийг шинэчлэх талаар Үндэсний Статистикийн Хороо анхааран судалгааны аргачлал, арга зүй, мэдээллийн чанарыг сайжруулан амжилттай ажиллаж ирэв.
 

Хүн амын амьжиргаа, ядуурал нь дэлхий нийтийн анхаарлын төвд байдаг асуудлын нэг бөгөөд түүнийг бууруулах чиглэлээр олон улс орон, олон улсын байгууллагууд хамтран ажилласаар ирсэн. Үүний нэг адил Монгол Улсын төр, засаг ч ядуурлын эсрэг, ядуурлыг бууруулахын төлөө тууштай ажилласаар ирлээ. Ядуурлыг бууруулах бодлогыг амжилттай хэрэгжүүлэхийн тулд бодитой тоо, мэдээллийг олон улсад хүлээн зөвшөөрөгдсөн аргачлалаар тооцож, мэдээллийг шинэчлэх талаар Үндэсний Статистикийн Хороо анхааран судалгааны аргачлал, арга зүй, мэдээллийн чанарыг сайжруулан амжилттай ажиллаж ирэв.
   Монгол Улсын Статистикийн тухай хуулийн долдугаар зүйлийн 1-д заасны дагуу Үндэсний Статистикийн Хороо “Өрхийн нийгэм, эдийн засгийн судалгаа” (ӨНЭЗС)-г улирал тутам зохион байгуулан явуулж байна... Судалгаанд Монгол Улсын нийт өрхийг төлөөлүүлэн, тодорхой өрхийг санамсаргүй сонгон авч мэдээлэл цуглуулдаг. Судалгаагаар өрхийн орлого, зарлага, хэрэглээ, хүн амын амьжиргааны байдал, ядуурлын үндсэн үзүүлэлтүүд, тэгш бус байдлын үзүүлэлтүүдийг улс, бүс нутгийн хэмжээнд улирал, жилээр тооцон гаргаж байна.
   ӨНЭЗС-г явуулснаараа ядуурлын үндсэн үзүүлэлтийг жил бүр тодорхойлох, дотоодын нийт бүтээгдэхүүний тооцоо хийх, Мянганы хөгжлийн зорилтын Ядуурал, өлсгөлөнг бууруулах 1 дүгээр зорилгын  хэрэгжилтийг хянах, ядуурлын газрын зураглал боловсруулахад шаардлагатай мэдээлэл, тооцоонуудыг гаргах боломжийг бүрдүүлдэг юм.
   ӨНЭЗС нь хүн амын амьжиргааны түвшинг тогтоож, ядуурлыг бууруулах үндэсний хэмжээний бодлого боловсруулах, хөтөлбөрийг хэрэгжүүлэхэд шаардлагатай үндсэн мэдээллийг бий болгож байгаагаараа чухал ач холбогдолтой юм.