Сайд нарын хоёрдугаар эмнэлэгт хэвтэн эмчлүүлж буй МАХН-ын дарга Н.Энхбаяр одоо хүртэл ялыг тогтоолоо аваагүй байна. Сүхбаатар дүүргийн шүүхээс дөрвөн жилийн хорих ялаар шийтгүүлсэн тэрээр анхан шатны шатны шүүхийн шийдвэрийг эсэргүүцэн, Нийслэлийн давж заалдах шатны шүүхэд хандсан. Гэвч давж заалдах шатны шүүхээс түүнд оноосон ялыг хэвээр баталсан билээ. Тиймээс тэрээр Улсын дээд шүүхийн хяналтын шатны шүүхэд хандахаа өмгөөлөгчөөрөө дамжуулан мэдэгдээд байсан. Энэ талаар түүний өмгөөлөгч С.Нарангэрэлээс тодрууллаа. -Хяналтын шатны шүүхэд гомдлоо гаргасан уу?
-Одоохондоо гаргаж амжаагүй байна.
-Ямар учраас?
-Ялын тогтоолоо авсны дараа л хяналтын шатны шүүхэд гомдол гаргах ёстой. Гэвч өнөөдрийг хүртэл тогтоолоо аваагүй байна.
-Хуулийн хугацаа нь дууссан биз дээ?
-Тийм. Давж заалдах шатны шүүх хурал өнгөрсөн есдүгээр сарын 25-нд болсон. Уг нь шийдвэр гарснаас арав хоногийн дотор өгөх ёстой. Гэвч өгөөгүй л байна.
-Ямар учраас өнөөдрийг хүртэл өгөхгүй байгаа юм бол?
-Тэрийг сайн мэдэхгүй байна.
Б.Чимэг
Сэтгэгдэл (8)