Тулгар төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, ардын хувьсгалын түүхт 100, 101 жилийн ойн баяр наадмын үндэсний бөхийн барилдаанд ес даван үзүүрлэсэн Сэлэнгэ аймгийн Цагаануур сумын харьяат, Улсын арслан Б.Орхонбаярт ”Өсөх зоос” ХХК-ийн захирал Ч.Чинбат Хан-Уул дүүрэгт баригдаж буй “Саруул” хотхонд гурван өрөө байр бэлэглэхээр болжээ. 

Улсын арслан Б.Орхонбаяр нь наадмын тавын даваанд аймгийн арслан Д.Бадамгаравыг, зургаагийн даваанд начин О.Цэцэнцэнгэлийг, долоогийн даваанд арслан Ц.Содномдоржийг,  наймын даваанд заан Б.Бат-Өлзийг, есийн даваанд даян аварга Н.Батсуурийг давж улсын арслан цолтон болсон билээ.

Дашрамд шинэхэн арсланд гурван өрөө байр бэлэглэсэн “Өсөх Зоос” ХХК-ийн захирал Ч.Чинбат нь УИХ-ын гишүүн Ч.Ундрамын аав юм. 

Б.Жаргал