АНУ-ын Олон улсын хөгжлийн агентлагийн Хүмүүнлэгийн тусламжийн товчооны санхүүжилттэй “Гамшигт тэсвэртэй орон нутаг” төслийн үр дүнг танилцуулах болон “Уур амьсгалын өөрчлөлтөд тэсвэртэй орон нутаг” төслийн нээлтийн үйл ажиллагаа боллоо.
“Уур амьсгалд тэсвэртэй орон нутаг” төслийг:
- Дэлхийн зөн Монгол олон улсын байгууллага
- Хүнс, хөдөө аж ахуй, хөнгөн үйлдвэрийн яам,
- Мал эмнэлгийн ерөнхий газар, Онцгой байдлын ерөнхий газар,
- Нийслэлийн болон төслийн зорилтот аймгуудын Засаг даргын тамгын газар хамтран хэрэгжүүлнэ.
Уг төсөл нь малчдын аж амьдралыг дэмжих, мал амьтдын өвчлөлийн хяналтыг сайжруулах, хил дамнасан малын халдварт өвчний эсрэг тандалтын практикийг сайжруулах зорилготой. 2022 оны 9-р сарын 14-нөөс 2025 оны 9-р сарын 14 хүртэл Дорнод, Дорноговь, Дундговь, Увс, Говь-Алтай аймагт хэрэгжих уг төслийн хүрээнд нийт 23 920 хүнд хүрч ажилласан байхаар төлөвлөжээ.
Хөдөө аж ахуйн чадавхыг нэмэгдүүлэх зорилтын хүрээнд:
- Төслийн зорилтот орон нутгуудад тэжээлийн ургамлын тариалалт хийхийг дэмжинэ.
Малчдын бүлэгт шаардлагатай тоног төхөөрөмжийн дэмжлэг үзүүлнэ. Малчдын дунд туршлагаа хуваалцах, сонсож суралцах аялал хийнэ.
Мал амьтны эрүүл мэндийг хамгаалах зорилтын хүрээнд:
- Оролцоот Эпидемиологийн аргачлалыг орон нутгийн удирдлагуудад танилцуулж, суралцах мэргэжилтнүүдийг сонгоно.
- Дорнод аймагт Оролцоот Эпидемиологийн аргачлалын сургалтуудыг зохион байгуулна.
- Оролцоот Эпидемиологийн аргачлалаар орон нутагт судалгаа хийж дадлага сургалт хийнэ.
- Оролцоот Эпидемиологийн аргачлалаар суралцагч нарын дунд эргэн дүгнэх, туршлага хуваалцах, давтан сургалт, арга хэмжээ зохион байгуулна.
- Үнэлгээнд суурилан орон нутгийн мал эмнэлгийн нэгжүүдэд шаардлагатай тоног төхөөрөмжийн дэмжлэг үзүүлнэ.
- Орон нутгийн мал эмнэлгийн мэргэжилтнүүдийг чадваржуулах сургалтууд хийнэ. Уг зорилгын хүрээнд 750 мал эмнэлгийн мэргэжилтнүүдэд хүрсэн байна. Мал эмнэлгийн сургалтыг мэргэжлийн өндөр түвшинд чанартай хийж гүйцэтгэнэ.
- Малын өвчнөөс урьдчилан сэргийлэх, дэгдэлтийн үеийн үйл ажиллагааны талаарх мэдлэгийг дээшлүүлнэ. Нийт 14865 хүнд хүрч ажиллана.
- Ногоон тэжээл тариалах чиглэлээр малчдыг чадваржуулах сургалт зохион байгуулна.
- Малчдыг чадваржуулах сургалтууд зохион байгуулна.
