Ням гарагт эхэлсэн дэлхийн аварга шалгаруулах хоккейн тэмцээний анхан шатны шалгаруулалтын тоглолтууд үргэлжилж байна.
Монгол, Гүрж, Арабын нэгдсэн Эмират, Грекийн багууд өрсөлдсөн энэ тэмцээн Дубайд болж байгаа юм. Сүүлийн үед мөсний хоккейг мөнгөөр угжин хөгжүүлж байгаа арабууд анх удаа дэлхийн аваргын шалгаруулалтыг элсэн цөлд хүлээн авч байгаа нь энэ. Дурдсан 4 багаас хоёр нь 3 дугаар дивизионд дэвшиж, ирэх хавар Өмнөд Африкийн Кейптаунд болох тэмцээнд зэрэглэл ахин оролцох юм.

Ням гарагт эхэлсэн дэлхийн аварга шалгаруулах хоккейн тэмцээний анхан шатны шалгаруулалтын тоглолтууд үргэлжилж байна.
Монгол, Гүрж, Арабын нэгдсэн Эмират, Грекийн багууд өрсөлдсөн энэ тэмцээн Дубайд болж байгаа юм. Сүүлийн үед мөсний хоккейг мөнгөөр угжин хөгжүүлж байгаа арабууд анх удаа дэлхийн аваргын шалгаруулалтыг элсэн цөлд хүлээн авч байгаа нь энэ. Дурдсан 4 багаас хоёр нь 3 дугаар дивизионд дэвшиж, ирэх хавар Өмнөд Африкийн Кейптаунд болох тэмцээнд зэрэглэл ахин оролцох юм.
Монголын шигшээ баг Абу Дабийн мөсөн ордонд эхний тойрогтоо Гүржийн хоккейчдыг 6:0 харьцаагаар буулгаж авчээ. Хаалганд монголчууд 41 удаа цохисон бол гүржүүдийн хувьд энэ статистик дөнгөж 13 байв. Гүржүүд Олон улсын хоккейн холбоонд 2009 онд элссэн ч олон улсын анхны тоглолтоо ийнхүү Монголын багаар эхлүүлж байгаа юм. Монголын багийн хувьд харин энэ нь анх удаа Азийн бус, Европын орны шигшээ багийг хожсон тохиолдол болжээ. Мөн дэлхийн аварга дээр хаалгандаа шайб алдаагүй анхны тоглолт гэж спортын хэвлэлүүд бичиж байна. Манай хоккейн шигшээ багийн гишүүдийн зарим нь бэнди буюу бөмбөгтэй хоккейн улсын шигшээ багт давхар тоглодог ажээ. 2011 оны Азийн өвлийн наадамд манай тамирчид шайбтай ба бөмбөгтэй хоккейн хоёр ондоо шигшээд харьяалагдаж байсныг санах тоймчид байна.

Даваа гарагт дараагийн тойрогтоо манай хоккейчид эзэн баг буюу Арабын нэгдсэн Эмиратад 2:3 харьцаагаар ялагдсанаар 3 дугаар дивизионд дэвших магадлалаа тун бүрхэг болголоо. Манай 2 гоолын эзэд нь М.Намжил, Т.Баатархүү нар. Сүүлчийн шайбаа манайхан тоглолтын сүүлийн минутад амжиж оруулсан байна. Монголын багийн дараагийн учраа болох грекүүд мөн л Эмиратад хожигдсон, гүржүүдийг бут ниргэсэн (13:0) тул өнөөдөр орой болох тоглолтод манайханд зөвхөн хожил хэрэгтэй боллоо. Монгол, Грекийн хэн хожсон нь Эмираттай цуг ДАШТ-ий 3 дугаар дивизионд дэвшин цааш хүч үзнэ гэсэн үг.