АНУ-ын нэрт хип хоп хамтлаг "Оnyx" манайд айлчлан тоглолтоо хийсэн юм. Цагаасаа нэлээд хожимдож эхэлсэн тоглолтод Монголын хип хоп хамтлагийг төлөөлж реппер Gee тэргүүтэй "Click click Boom" оролцсон. Өөрсдийн өвөрмөц хоолой, стиль имижээрээ тэсрэлт хийж дэлхийн өнцөг булан бүрт шүтэн бишрэгчидтэй болсон "Оnyx"-ийг монголчууд үзсэнгүй. Тоглолтын танхим талдаа хүрэх үү үгүйтэй хүмүүс ирсэн байлаа. Ердөө сүржин нэртэй даржин тоглолт болж өндөрлөв. "Оnyx" хамтлаг нь 1988 оноос хойш уран бүтээлээ туурвиж байгаа юм. Тэдний Монгол дахь тоглолтыг "Sound of Mongolia" зохион байгуулсан юм.