Ази тивийн аварга шалгаруулах аэробикийн тэмцээн энэ сарын 17-21-ний өдрүүдэд Индонезийн Пламбаг хотноо боллоо. Энэхүү тэмцээнд нийт 11 орны баг өрсөлдөж, 12-14, 18-аас дээш насны ангилалд тамирчид хүчээ сорьсон байна. Манай улсын багт есөн тамирчин багтан өрсөлдсөн бөгөөд 12-14 насны ангиллын хосын төрөлд өрсөлдсөн манай тамирчин Б.Хаш-Эрдэнэ, Х.Содчимэг нар тэргүүн байрт шалгарч, Ази тивийн аварга боллоо. Б.Хаш-Эрдэнэ, Х.Содчимэг нар мөн тус тэмцээний ганцаарчилсан төрөлд тус бүр тавдугаар байр эзэлсэн бол О.Сийлэгмаа наймдугаар байрт шалгарчээ. Тэднээс гадна хосын төрөлд өрсөлдсөн Б.Жавхлантөгс, Н.Мягмарсүрэн нар тавдугаар байрыг эзэлсэн байна.

Манай тамирчдыг түүчээлэн Ази тивийн аварга болсон Б.Хаш-Эрдэнэ нийслэлийн 97 дугаар сургуульд суралцдаг бол Х.Содчимэг БТД сургуулийн сурагч аж.