Өнгөрсөн есдүгээр сарын 3-нд Баянгол дүүргийн нэгдүгээр хороо, Шастины нэрэмжит III эмнэлгийн баруун талд баригдаж буй барилгад бетон зуурмаг шахаж байсан кран осолдсоны улмаас ойролцоох замын гарцаар гарч явсан 12 настай хүүхдийн дээрээс нурж амь насыг нь хохироосон хэрэг гарсан. Өнөөдөр охины аав Д.Батсайхан, түүний өмгөөлөгч В.Энхтайван нар мэдээлэл хийлээ.
    Өнгөрсөн есдүгээр сарын 3-нд Баянгол дүүргийн нэгдүгээр хороо, Шастины нэрэмжит III эмнэлгийн баруун талд баригдаж буй барилгад бетон зуурмаг шахаж байсан кран осолдсоны улмаас ойролцоох замын гарцаар гарч явсан 12 настай хүүхдийн дээрээс нурж амь насыг нь хохироосон хэрэг гарсан. Өнөөдөр охины аав Д.Батсайхан, түүний өмгөөлөгч В.Энхтайван нар мэдээлэл хийлээ.
    Д.Батсайхан “Миний охин Б.Есүгэн Арваннэгдүгээр сарын 14-нд төрсөн. “Радуга” сургуулийн наймдугаар ангид сурч байсан. Тусч, хөдөлмөрч, шүлэг дуу бичдэг авьяастай байсан. Гэвч өнгөрсөн есдүгээр сард буюу хичээлийн шинэ жилийн өдөр харамсалтайгаар амиа алдсан. Одоогоор хэргийн мөрдөн байцаалтын ажиллагаа явагдаж байгаа учраас бид хавтаст хэрэгтэй танилцаагүй байна. Прокурорт шилжсэний дараа танилцана. Би эцэг хүний хувьд МУ-ын Ерөнхийлөгч Ц.Элбэгдоржийг 2 сая гаруй хүний эцэг гэж боддог. Тиймээс Ерөнхийлөгч Ч.Элбэгдорж болон Ерөнхий сайд Н.Алтанхуяг нарт шаардлага хүргүүлж байна. Тэд цаашид энэ хууль бус үйлдлийг зогсоох ёстой. Төр засаг надаас илүү юм хийх боломж нь тэдэнд хуулиар олгогдсон байгаа. Тиймээс тэр хүрээндээ л хуулиа санаач, монгол хүнийг үнэ цэнэтэй байлгаач, энэ хуулийнхаа орчныг сайжруулаач гэж хүсч байна. Энэ хуулийн чинь орчин сайжирч байж бид нар эрүүл аюулгүй гэдэг нийгэмд чинь амьдрах бололцоотой болно” гэлээ.