Хан-Уул дүүргийн дөрөвдүгээр хороо Яармагийн 63 дугаар тусгай дунд сургууль АНУ-ын Олон улсын хөгжлийн агентлаг, Германы Олон улсын хамтын ажиллагааны нийгэмлэгээс хамтран хэрэгжүүлсэн төслийн үр дүнд дулаан –техникийн засвар шинэчлэлтийг амжилттай хийж дуусгалаа. 
    Хан-Уул дүүргийн дөрөвдүгээр хороо Яармагийн 63 дугаар тусгай дунд сургууль АНУ-ын Олон улсын хөгжлийн агентлаг, Германы Олон улсын хамтын ажиллагааны нийгэмлэгээс хамтран хэрэгжүүлсэн төслийн үр дүнд дулаан –техникийн засвар шинэчлэлтийг амжилттай хийж дуусгалаа. 

      Дулаан –техникийн засварын хүрээнд сургуулийн дээврүүдийг шинэчлэн, ханыг хөөсөнцрөөр дулаалж, бүх цонх хаалга, шал, халаалтын системийн сантехникийг сольжээ. Мөн нарны эрчим хүчийг ашиглан хэрэглээний халуун усаа халаан дотроо ариун цэврийн өрөөтэй болсон байна.
  Энэхүү дулаан –техникийн засвар шинэчлэлтийг хийснээр 63 дугаар сургуулийн дулааны эрчим хүчний хэрэглээ, нүүрсхүчлийн хийн ялгарал 50 хувиар буурах тооцоо гарчээ.
  Дулаан –техникийн засвар шинэчлэлтийг хүлээлгэн өгөх ёслолд Барилга, хот байгуулалтын сайд Ц.Баярсайхан, АНУ-ын Монгол дахь Элчин сайд хатагтай Пайпэр Кэмбэлл, ХБНГУ-ын Монгол дахь Элчин сайдын яамны төлөөлөл, дүүргийн Засаг дарга Ж.Ганхуяг нарын албаны хүмүүс оролцлоо.