Долоон тэрбумын авлигалын хэргээр анхан болон давж заалдах шатны шүүхээс дөрвөн жилийн хорих ял сонссон МАХН-ын дарга Н.Энхбаяр Улсын дээд шүүхийн хяналтын шатны шүүхэд хандахаа өмгөөлөгчөөрөө дамжуулан мэдэгдсэн. Ингээд гомдлоо хүргүүлсэн эсэхийг түүний өмгөөлөгч С.Нарангэрэлээс тодрууллаа.
    Долоон тэрбумын авлигалын хэргээр анхан болон давж заалдах шатны шүүхээс дөрвөн жилийн хорих ял сонссон МАХН-ын дарга Н.Энхбаяр Улсын дээд шүүхийн хяналтын шатны шүүхэд хандахаа өмгөөлөгчөөрөө дамжуулан мэдэгдсэн. Ингээд гомдлоо хүргүүлсэн эсэхийг түүний өмгөөлөгч С.Нарангэрэлээс тодрууллаа.

-Улсын дээд шүүхийн хяналтын шатны шүүхэд гомдлоо хүргүүлсэн үү?

-Хяналтын шатны шүүхэд гомдол гаргахдаа анхан шатны шүүхэд гомдлоо хүргүүлдэг. Энэ дагуу өнгөрсөн баасан гаригт гомдлоо Сүхбаатар дүүргийн шүүхэд хүргүүлсэн.

-Сүхбаатар дүүргийн шүүх хэд хоногийн дотор өргөдлийг дээд шүүхэд хүргүүлэх вэ?

-Бидний өргөдөл очсоноос арав хоногийн дотор Улсын дээд шүүхэд хүргүүлэх ёстой. Дээд шүүх гомдлыг хүлээн аваад 30 хоногийн дотор хурлыг товлох ёстой.

    Тэгэхээр МАХН-ын дарга Н.Энхбаярын гаргасан гомдлыг Дээд шүүх ирэх арванхоёрдугаар сарын эхээр товлох юм байна. Түүнийг Эрүүгийн хуулийн 150.3, 263.2-т зааснаар буруутган ялласан. Харин Н.Энхбаяр өдгөө Сайд нарын гэгдэх хоёрдугаар эмнэлэгт хэвтэн эмчлүүлж байгаа билээ.