УИХ-ын гишүүн С.Ганбаатар өнөөдөр Уул уурхайн ассиоциацийн тэргүүн Н.Алагааг нэр хүндэд халдсан хэргээр шүүхэд өгөх болсон талаар мэдээлэл хийлээ. Н.Алагаа нь УИХ-ын гишүүн С.Ганбаатарыг "уул уурхайн талаар мэдлэг багатай, цаанаа нууц удирдлагатай" гэх зэргээр хэвлэлд ярилцлага өгсөн аж. Харин С.Ганбаатр гишүүн үүнийг эрс үгүйсгэж монголчуудад ашиггүй болсон Оюутолгойн гэрээр өөрчлөх гэсний төлөө ингэж гүтгэсэн гэж үзжээ. Учир нь Уул уурхайн ассиоциаци нь Оюутолгойн ихэнхи хувийг эзэмшиж байгаа "Рио Тинто"-оос санхүүждэг, саяхан цөөнгүй хүнийг Австрали руу явуулсан баримт байгаа гэлээ.

Уул уурхайн ассиоциаци нь гадны компаниас санхүүжээд монголчууд биш тэдний эрх ашигт үйлчилж таарахгүй гэж ийнхүү Н.Алгааг шүүхэд өгөхөөр болсон байна.