АНУ-ын Нью Жерси мужийн Жерси хотын 29 настай иргэн Жарггет Вашингтон өнгөрсөн ням гаригт үймээн дэгдээсэн байна. Түүнийг эхлээд Жерси хотын Эрүүл мэндийн төвд, дараа нь Хадсон дүүргийн шүүхийн шоронд хүргэсэн юм. Жаретт Вашингтон шоронд хуруугаа идэж, залгисан талаар “Жерси журнал” мэдээллээ. 

АНУ-ын Нью Жерси мужийн Жерси хотын 29 настай иргэн Жарггет Вашингтон өнгөрсөн ням гаригт үймээн дэгдээсэн байна. Түүнийг эхлээд Жерси хотын Эрүүл мэндийн төвд, дараа нь Хадсон дүүргийн шүүхийн шоронд хүргэсэн юм. Жаретт Вашингтон шоронд хуруугаа идэж, залгисан талаар “Жерси журнал” мэдээллээ. 

Жаретт Вашингтон “сахиусны тоос” хэмээн хар тамхи их хэмжээгээр хэрэглэсний дараа үймээн үүсгэсэн аж. Тэрээр өнгөрсөн ням гаригийн оройн найман цагийн үед Жерси хотын Баруун хэсгийн гудамжуудаар нүцгэн явж, жолооч нарыг заналхийлсэн байна. Бүр жолооч нарыг машинаас нь татан гаргахыг оролдож, дургүй нь хүрсэн хэдэн жолооч нар түүнийг нийлж зоджээ.

Цагдаа нар зодуулсан Жаретт Вашингтоныг эмнэлэгт хүргэн, дүгнэлт гартал нь хүлээхээр шийдсэн байна. “Тэр эмнэлэгт ч бас зүгээр байгаагүй, ажилтнуудруу шүлсээ хаяж, гарынхаа боолтыг идсэн” хэмээн цагдаа нар мэдэгдсэн байна. Түүнийг гавласны дараа бугуйн хэсгээ зажилж гаваас мултрахыг мөн оролдсон аж.

Түүнийг Хадсон мужийн шүүхийн шоронд аваачихаар явж байхад цагдаагийн машин дотор, эмнэлэгийн хувцсандаа өтгөнөө гаргасан байна. Харин шүүхийн шоронд аваачсаны дараа Жаретт Вашингтон ихэд уурлаж хуруугаа тас хазаж, идсэн аж. Тиймээс дахин эмнэлэгт хүргэгджээ.

Жаретт Вашингтоныг “сахиусны тоос” хэмээх хар тамхийг хэрэглэж ихээр мансуурсан байсан хэмээн таамаглаж байна. Энэ хар тамхийг их хэрэглэвэл шизофренитэй болдог аж. Тэрээр өмнө нь хар тамхины хэргээр шоронд сууж, өнгөрсөн нэгдүгээр сард суллагдсан болох нь тогтоогджээ.
Ням гаригийн шигжүүрт хэргийг холбогдох байгууллага шалгаж байгаа аж.