Япон Улс, Монгол Улсын хооронд дипломат харилцаа тогтоосны 40 жилийн ойн арга хэмжээний хүрээнд Японы хүүхэлдэй урлаач, уран бичээч, яруу найрагч, Бошо Сошойнгийн “Үзэсгэлэнт Япон Урлаг” Япон Хүүхэлдэйн үзэсгэлэн зохион байгуулагдах гэж байна. Үзэсгэлэн маргааш 10:00 цагт нээлтээ Занабазарын нэрэмжит Дүрслэх урлагийн музейд хийнэ.

Уг үзэсгэлэнг Японы элчин сайдын яам, Сойшин Хүүхэлдэйн үйлдвэр хамтран зохион байгуулж байгаа аж.Бошо Сошойн нь Японы хүүхэлдэй урлаач, уран бичээч, цэцэг амьдруулан урлаач, яруу найрагч зэргийн ерөнхий зохион бүтээгч. 1933 онд Шига мужид төрсөн. Ээжийнхээ нэхмэл гар урлалын танхимд үндэс суурийг суралцаж, түүний дараа уран бичээчийн урлагийг суралцсан. 1957 онд Америкийн Лос-Анжелис хот дахь Рүйчэскин лаборторт судлаач оюутан. 1968 оноос хуучин хүүхэлдэйн засвар болон японы уламжлалт хүүхэлдэйн урлагийн талаар судалгаа хийж эхэлсэн. 1974 онд “Бошо Сошойн”-гийн хүүхэлдэй урлалын газрыг байгуулж, ирээдүйн хүүхэлдэйн урлагийг залгамжлах шавь нараа бэлдэж сургахын зэрэгцээ хүүхэлдэйн урлагаар дамжуулан гадаадын улс орнуудтай соёлын хамтын ажиллагааг эхлүүлсэн.