Өнгөрсөн долоо хоногт Энхтайваны гүүр дээр нэгэн сэтгэл сэрдхийлгэм осол гарсан билээ. Энэ ослоор хоёр хүний алтан амь эрсдэн олон хүнийг эмзэглүүлсэн юм.

Энэ ослоор өөр хүн амиа алдаж болзошгүй байсан ч бусдын сайхан сэтгэлийн буянд өдгөө эсэн мэнд байна.

Иргэнийхээ үүргийг биелүүлж, өөрийн биеэ үл хайрлаж эр зориг гарган хоёр хүний амь аварсан Д.Баттүвшин хэмээх залуугийн гавьяаг өндрөөр үнэлэн Монголын Залуучуудын Холбооны "Тэргүүний залуу алтан медаль"-аар шагнажээ.

Түүнчлэн ослоос эрдэнэт хүний амь аварсан эгэлгүй зоригт ХУД-ийн цагдааны ахлах ахлагч Г.Мөнх-Эрдэнийг Монголын Залуучуудын Холбооны "Цэргийн алдар алтан медаль"-аар тус тус шагналаа.