Шүүхийн Ерөнхий зөвлөлийн ээлжит хуралдаан өнөөдөр хуралдаж, 13 асуудал хэлэлцлээ. Хуралдаанаар З.Түвшинтөгсийг Нийслэлийн Налайх дүүргийн шүүхийн шүүгчийн, Н.Гэрэлтуяаг Увс аймаг дахь сум дундын шүүхийн шүүгчийн, Б.Отгонбямбыг Ховд аймаг дахь сум дундын нэгдүгээр шүүхийн шүүгчийн, Б.Дэлгэрцэцэгийг Ховд аймаг дахь сум дундын хоёрдугаар шүүхийн шүүгчийн, Ц.Дайрийжавыг Хэнтий аймаг дахь сум дундын нэгдүгээр шүүхийн шүүгчийн албан тушаалд тус тус томилуулах, анхан шатны зарим шүүхийн шүүгчдийг сэлгэн ажиллуулах тухай саналыг Монгол Улсын Ерөнхийлөгчид өргөн мэдүүлэхээр тогтоол гарлаа. Мөн зарим шүүгчид зэрэг дэвийг шинээр болон нэмэгдүүлэн олгохоор болсон байна. Түүнчлэн Шүүх байгуулах тухай хууль, шүүгчийн орон тоо тогтоох тухай саналыг УИХ-д өргөн мэдүүлэх асуудлыг хэлэлцлээ.Б.Чимэг
