МУСТА дуучин Б.Амархүү ирэх сарын 15, 16-нд бие даасан тоглолтоо хийх гэж байгаа билээ. Тэрээр уг тоглолтоо эртнээс бодож төлөвлөж, бэлдэж ирсэн байна. Тэрээр тоглолтондоо дуулагдах бүх дуугаа монгол хэл дээр дуулах аж. "Би эх хэл дээрээ олон шинэ уран бүтээл хийж байгаагаа монголчууддаа харуулахыг хүссэн учраас энэ тоглолтыг зохион байгуулах гэж байгаа юм" гэжБ.Амархүү ярьжээ. Мөн түүний шинэ цомог худалдаанд гарахад бэлэн болсон байна. Б.Амархүүгийн тоглолтын ерөнхий зохион байгуулагчаар түүний аав Буриадын АЖ, МУГЖ Борхүү ажиллаж байгаа юм байна.