Саяхан Улсын дуурь бүжгийн эрдмийн театрын ажилтан, албан хаагчид цалингаа нэмлүүлэхээр тэмцэл өрнүүлж, ямартаа ч Засгийн газраас шийдвэр гаргуулж, зарим хүний бухимдал хэсэгтээ намжсан юм. Тэгвэл Соёлын сайд Ч.Номин цахим хаягтаа дараах зүйлийг нийтэлжээ. Тэрбээр “Соёлын салбарын ажилтан, албан хаагч, уран бүтээлчдийн үндсэн цалинг нэмэгдүүлэх саналыг Засгийн газар дэмжсэн байсан. Өнөөдөр бүлгийн хурлаар хэлэлцээд 7-р сарын 1-ний өдрөөс нэмэхээр болж шийдвэрлэлээ.
Өнгөрсөн хугацаанд Соёлын тухай хууль тогтоомжийг бүрэн шинэчилснээр соёлын салбарын ажилтны цалин хангамж, нийгмийн баталгааг сууриар нь шийдвэрлэх, сайжруулах боломжтой болсон. Дагалдан гарах журмууд эхнээсээ батлагдаж, өнөөдрөөс орон нутгийн ажилчдад олгох 5 жилийн тэтгэмжийг олгож эхэллээ. Цаашид үе шаттайгаар соёлын салбарынхны цалин хангамжийг нэмэгдүүлэх, менежментийн шинэчлэл хийх суурь бодлогыг боловсруулж байна” гэв.
