Хөгжлийн Банкны гэх эрүүгийн хэрэгт гэм буруутайд тооцогдсон 32 иргэн дөрвөн компанийн шүүхийн шийдвэрийг өнөөдөр танилцуулж байна. УИХ-ын гишүүн Ё.Баатарбилэгт Эрүүгийн хуулийн тусгай ангийн 22.4.6-д зааснаар таван жилээр хорих ял, Эрүүгийн хуулийн тусгай ангийн 22.10.2-д зааснаар үндэслэлгүй хөрөнгөжсөн 73 сая төгрөгийг хурааж нийтийн албанд томилогдох эрхийг таван жилээр хасаж нэг жилийн хугацаагаар хорих ял оноолоо. Түүний хорих ялыг нээлттэй хорих ангид эдлүүлэхээр болов.

Хөгжлийн Банкны гэх эрүүгийн хэрэгт холбогдсон 80 шүүгдэгч, дөрвөн хуулийн этгээдийн гэм буруугийн дүгнэлтийг өнгөрсөн сарын 26-ны өдөр шүүх бүрэлдэхүүн танилцуулсан билээ. Нийт 48 хүнийг цагаатгаж, 32 хүн дөрвөн компанийг гэм буруутайд тооцсон юм.

Энэ оны дөрөвдүгээр сарын 17-ноос Хөгжлийн Банкны гэх тодотголтойгоор эхэлсэн эрүүгийн хэргийн анхан шатны шүүх хуралдаан гэм буруутайд тооцогдсон 32 иргэн, дөрвөн компанийн шүүхийн шийдвэрийг танилцуулснаар өндөрлөхөөр боллоо.