Сонгинохайрхан дүүргийн нэгдсэн эмнэлгээс хулгайд алдагдсан компьютерын процессорыг олж, тус эмнэлэгт хүлээлгэн өгчээ.

Хэргийг тодруулбал долдугаар сарын 16-ны өдрийн 16:00 цагийн үед "Сонгинохайрхан дүүргийн нутаг дэвсгэрт байрлах Нэгдсэн эмнэлгээс дүрс оношилгооны компьютерын процессор хулгайд алдсан" гэх дуудлага мэдээлэл бүртгэгджээ. Уг хэргийг тус дүүргийн алба хаагчид шалгаж, хулгайлах төрлийн гэмт хэрэг үйлдсэн этгээдийг тогтоосон байна.

Улмаар хулгайд алдагдсан процессорыг эмнэлгийн байгууллагад хүлээлгэн өгсөн болохыг Цагдаагийн Ерөнхий Газраас мэдээлэв.