Энэ удаагийн 24 баримтаар жүжигчин О.Энхтуулын 24 баримтыг хүргэж байна.
    Энэ удаагийн 24 баримтаар жүжигчин О.Энхтуулын 24 баримтыг хүргэж байна.

1.    Жүжигчин О.Энхтуул 1967 онд Улаанбаатар хотод төрсөн.
2.    Тэрээр нөхөр гурван хүүхдийн хамт Германы Штюгиардын хажууханд Бюблиген гэдэг хотод амьдардаг.
3.    О.Энхтуул гуч гарсан хойноо Клаус гэх герман хүнтэй амьдралаа холбосон. Клаус бол Хан брой, Броудвэйн эзэн.
4.    Түүнийг гурван хүүхдээ дагуулан нөхөртэйгээ Германд амьдрахаар зориод Герман улсын иргэн болсон гэдэг.
5.    Тэд Германд нийтийн орон сууцад амьдардаг. Хэдийгээр хаустай болох саналыг нөхөр нь тавьсан ч О.Энхтуул зөвшөөрөөгүй байна. Тэрээр “Манай гэр бүлд толгой эргэм олон өрөө тасалгаатай том байшин сав хэрэггүй. Хүүхдүүд үеийнхээ хүүхдүүдтэй ойр байхад хэлээ сайжруулахад ч алслагдмал хаус саад болно. Хүмүүсийн дунд л амьдарна гэсэн миний санал илүү оноо авсан учраас нийтийн орон сууцанд амьдрах сонголтыг бид хийсэн” гэжээ.
6.    Мөн Монголд байхдаа гэрийн үйлчлэгчтэй байсан бол харин одоо байдаггүй гэнэ. Учир нь Монголд О.Энхтуул маш завгүй ажилтай байдаг байжээ. Одоо харин гэртээ завтай байгаа учраас гэрийнхээ ажлыг өөрөө хийж, хүүхдүүд болон нөхөртөө өглөөний цай бэлтгэх нь аз жаргал хэмээн үзсэн байна.
7.    Тэрээр гоо сайхандаа “nivea”-гийн бүтээгдэхүүнийг хэрэглэдэг. Мөн “disel”, “marcofolүо”-ийн хувцаснуудыг сонгож хэрэглэдэг.
8.    Тэд Германд ямар нэгэн бизнес хийдэггүй. Зөвхөн Монгол дахь бизнестээ л анхаарлаа хандуулдаг аж.
9.    Түүний анхны нөхрийг Ариунболд гэдэг. Маш хартай, түүнд бүр гap хүрдэг байсан талаар хэвлэлүүд бичиж байв.
10.    Мөн түүний том охин хуучин нөхөр Ариунболдынх нь аж.
11.    Тэрээр 40 мянгатад жүжигчин С.Өлзийхүүтэй тоглон өссөн. Тиймдээ ч С.Өлзийхүүг жүжигчин болоход нөлөөлсөн гэдэг. Мөн С.Өлзийхүүг нөхөртэйгээ ханилахад нь ч их үүрэг гүйцэтгэж, хайрын захиаг нь зөөдөг байсан талаар хэвлэлүүд бичиж байв.
12.    Мөн тэрээр дуучин Т.Ариунаатай хар багын найзууд. Энэ талаар О.Энхтуул “Дуучин Т.Ариунаа бид хоёрын хувьд бол бvр багын найзууд шvv дээ. Анх Жигжид гэдэг лагерт хоёр жаахан охийн танилцаад л голын эрэг дээр гитар тоглоод л, дуулаад л... Лагерийн нээлт, хаалтын диско болохоор нь орж зад бvжиглэчихээд л гvйж явдаг байлаа шvv дээ. Тэр vед хоёулаа урлагийн хvн болно гэж яаж мэдэхэв. Гэтэл нэг маань дуучин, нэг нь жvжигчин болчихлоо. Одоо бие биенээ хараад явж байхад vнэхээр сайхан байдаг. Уулзаад байх нь ховор ч гэсэн зvрх сэтгэлдээ бол найзыгаа маш их хvндэлж явдаг юм” гэж байв.
13.    Тэрээр сургуулиа төгсөөд УДЭТ-д орж алтан үеийнхнээс суралцаж, мөнгөн үеийн жүжигчидтэй хамт  нэг тайзнаа гарч байв.
14.    О.Энхтуул ихэнхдээ хатан, авхай, дурлалт бүсгүйн эерэг дүрд тоглодог байв. Ш.Шагдарын “Цагаан дарь эх” жүжгийг Буриадад тоглосных нь дараа буриадын үзэгчид түүнийг бурхан мэт хүндлэн гараас нь адис авч байжээ.  Тэрээр “Бурхан болоод суучихсан тэвэр дүүрэн тэгээд намайг тойроод нил цэцэг. Үзэгчид нь намайг яг л бурхан гэж ойлгочихсон гарахдаа дугаарлаж адис аваад. Сүүлдээ би хүртэл өөртөө итгэчихсэн гараараа адис өгч байлаа” хэмээн дурсаж байв.
15.    Түүнийг “Бүлээн нурам” кинонд нүцгэлснээс хойш “секс симбол” гэдэг тодотгол дагах болсон.
16.    Түүний биеэ үнэлэгч эмэгтэйн дүрд хувирсан киноны дүрийг үзэгчид сайнаар хүлээж аваагүй ч тэрээр “Өөрийгөө эвдсэн сонирхолтой дүр” гэж тодорхойлдог.
17.    “Секс симбол” хэмээн нэрлэгддэг жүжигчин маань “Дахин эротик киноны дүр ирвэл мэдээж тоглолгүй л яахав. Гэхдээ би чинь гурван хүүхэд төрүүлчихсэн эх хүн учир хаа сайгүй нүцгэлээд эротик дүрд тоглоод байх боломжгүй л дээ” хэмээн хариулж байв.
18.    О.Энхтуулыг архи уухаараа агсам гэдэг. Ямар сайндаа л драмын театрынхан “Манай О.Энхтуул халамцуу байхдаа л догшин болохоос биш эрүүлдээ ч тун ч номхон амьтан шүү дээ” гэдэг талаар шар хэвлэлүүд бичиж байлаа.
19.    Мөн түүнийг согтохоор эротик хэмээн хэвлэлүүд бичиж байв. Учир нь 2008 онд О.Энхтуул, С.Өлзийхүү нар “River Sound” club-д уулзалдаж, нохой гурав харагдтал ууж наргисан. Нэлээд халамцсан жүжигчин О.Энхтуул өөртэйгөө бүжиглэсэн хүн бүрийн өөдөөс эротик хөдөлгөөнийг хийж байсан хэмээн бичиж байсан билээ.
20.    Тэрээр энэ жил “Гэр” олон кинонд загвар өмсөгч Д.Пүрэвсүрэн, Э.Одгэрэл нартай хамтран тоглосон юм.
21.    Түүнийг “Гэр” кинонд тоглохоор ирсэн үед нэгэн сэтгүүлч утас цохин ярилцлага авахыг хүссэн байна. Гэтэл тэрээр “сая” төгрөг өгчих тэгвэл асуултанд чинь хариулъя гэсэн гэдэг.
22.    Мөн тэрээр тус кинонд тоглохоор ирсэн үедээ нэгэн өдөр хотын төвөөр нилээд хурдтай давхиж яваад цагдаагийн нүдэнд өртжээ. Замын цагдаа түүнийг зогсоож бичиг баримтыг нь шалган нилээд төвөг удсан байна. Тэдний хажуугаар өнгөрсөн жолооч болгон О.Энхтуулыг танин, нүдээ унагах шахам харахад тэднийг анзаарсан жүжигчин бүсгүй өөрийг нь саатуулсан цагдаад хандан “Энэ хүмүүс намайг харахаараа ингээд аваар хийчих гээд байдаг юм аа” хэмээн онгирч, өөрийгөө явуулахгүй удаан зогсоовол энэ хавьд чинь эвгүй юм болох вий дээ гэх “сануулга” өгөөд амжсан байна.
23.    Ид бүтээх насандаа нөхрөө дагаж харьд одсон гэдгээ тэр хүлээн зөвшөөрдөг. Гэхдээ хүүхдүүдээ том болохоор эх орондоо ирнэ гэж төлөвлөж, эргээд тайзанд гарна гэж боддог.
24.    Энэ талаар “Тайзаа санадаг. Зүүдэлнэ. Найруулагчдаа загнуулж байна энэ тэр гээд болохгүй, бүтэхгүй байдлаар зүүдлэх нь олонтаа. Буцаж ирээд ааштай хадам ээжийн дүрд гээд тайзнаа эргэн гарах, жүжигт тоглох боломж гарах байх аа" гэж хариулж байлаа.