Тувагийн нийслэл Кызыл хотноо баригдаж буй Оросын хамгийн өндөр Будда төлөвлөгдсөн хугацаанаасаа хойшлогдож 2013 онд нээгдэхээр болсон талаар “Риа Новости” агентлаг мэдээллээ.

Тувагийн нийслэл Кызыл хотноо баригдаж буй Оросын хамгийн өндөр Будда төлөвлөгдсөн хугацаанаасаа хойшлогдож 2013 онд нээгдэхээр болсон талаар “Риа Новости” агентлаг мэдээллээ.

Тувагийн Буддист холбооны тэргүүн Браулер Башки Буддагийн хөшөө 2012 онд нээлтээ хийж амжихгүй болсон талаар мэдэгджээ. “Хөшөөг босгох ажил ирэх жил дуусах болно. Учир нь шаардлагатай мөнгөний талыг цуглуулах хэрэгтэй байна” хэмээн холбооны тэргүүн ярьжээ.

Тувагийн эрх баригчид хөшөөнд 13 мянган рубль зарцуулна хэмээн тооцоолсон байна. Энэ төсөлд буддын олон мөргөлчид хандив өргөсөн байна. Мөн Далай лам ивээн тэтгэсэн хэмээн сайт бичжээ.
 
Тувагийн буддын лам нар хоёр жилийн өмнө Оросын хамгийн өндөр Будда буюу 15 метр өндөртэй Будда Шагжамунийн алтадсан хөшөөг барихаар болжээ. Хөшөөг Догэ уулнаа босгож эхэлсэн юм. Анхны төлөвлөгөөгөөр 40 метр өндөртэй барина хэмээн төлөвлөж байсан ч уран барилгач нар 15 метр хүртэл хязгаарласан байна. Хэдий тийм ч хөшөө Оросын хамгийн том Будда хэвээрээ байх аж.

Дэлхийн хамгийн өндөр Будда Хятадын Хенан аймагт 25 метр өндөр бадамлянхуа цэцэг дээр 128 метр өндөртэй бурхан сууж буй байдлаар баригджээ.