Шинэчлэлийн Засгийн газар байгуулагдаад 100 хонож байна. Энэ хугацаанд ССАЖЯ салбарын шинэчлэлийн бодлогоо тодорхойлж, шинэчлэлийн зарим ажлуудыг эхлүүлээд байна. Салбарын шинэчлэлийн бодлогыг тодорхойлохдоо “Монгол хүнээ хөгжүүлэх” үндсэн зорилтоо хэрэгжүүлэхэд нэн шаардлагатай байгаа нөхцлүүдийг хангахад гол анхаарлаа хандуулсан гэнэ. Шинэчлэлийн бодлого хэрэгжүүлснээр хүрэх үр дүнгээс заримыг дурьдвал:1. Соёлын өв хамгаалах эрх зүйн орчин, соёлын өвийн босоо тогтолцоо бүрдэнэ.
2. Соёлын өвийн бүртгэл мэдээлэл, хяналтын нэгдсэн системтэй болно.
3. “Өв хамгаалагч” хөтөлбөр хэрэгжиж орон нутгийн иргэдийн оролцоо нэмэгдсэнээр соёлын өвөө хамгаалах нийтийн боловсрол дээшилнэ.
4. Соёлын өвийн ноцтой зөрчлүүд “нийтийн эрх ашгийн эсрэг гэмт хэрэг” болж эрүүгийн хуулиар зохицуулагдах эрх зүйн орчин бүрдэнэ.
Соёл урлагийн салбарт:
1. Салбарын бие даасан хөгжлийн эрх зүйн орчин, тогтолцоо бүрдэнэ.
2. Театр чуулгууд орон нутгийнхаа онцлогт тулгуурласан “НЭГ ТЕАТР –НЭГ БРЭНД” загвараар хөгжсөнөөр Монгол үндэсний олон ястан, нутгийн онцлогийг шингээсэн соёл урлагийн олон брэнд хөгжиж соёлын өвөө авч үлдэх, хөгжүүлэн дэлгэрүүлэх нөхцөл сайжирч аялал жуулчлалын бүтээгдэхүүний тоо, төрөл нэмэгдэнэ.
3. Төрөөс иргэддээ үйлчлэх “Сонгомол үйлчилгээ” “Зорилтот бүлгийн хөтөлбөр” хэрэгжсэнээр хүүхэд залуус, иргэдэд төрөөс үзүүлэх үйлчилгээний чанар хүртээмжид шинэчлэл хийгдэнэ.
4. Үнэлгээний салбарын хөгжлийн индекс ашигласнаар бүс нутаг, хот, орон нутаг өрсөлдөх зохицуулалтын орчин бүрдэж өрсөлдөөнд суурилсан хөгжлийн загвар хөгжих суурь бүрдэнэ.
5. Салбарын стандартууд шинэчлэгдэж соёлын үйлчилгээний орчин шаардлагын түвшинд хүрнэ.
6. Салбарын ажиллагсдын нийгмийн асуудал шийдэгдэх эрх зүй, санхүүгийн орчин бүрдэнэ.
Биеийн тамир, спортын салбарт:
1. Салбарын бие даасан хөгжлийн эрх зүйн орчин, тогтолцоо бүрдэнэ.
2. “Спортын наадам”-ын өнөөгийн тогтолцоонд зохион байгуулалт, зохицуулалтын шинэчлэл хийснээр хотууд, спортын байгууллагуудын хооронд өрсөлдөөн өрнөж төрөөс нийтийн биеийн тамирыг хөгжүүлэхэд зарцуулж буй хөрөнгийн үр ашиг дээшилж, “Спортын хот”-ууд хөгжих боломж нээгдэнэ.
3. Дугуйн болон гүйлтийн зам, биеийн тамирын задгай талбай, иргэдийн амарч зугаалах цэцэрлэгт хүрээлэнгүүд, спортын цогцолборууд байгуулснаар иргэд биеийн тамираар хичээллэх, хүүхэд залуус эрүүл чийрэг өсч хөгжих, чөлөөт цагаа зөв боловсон өнгөрүүлэх таатай орчин бүрдэнэ.
4. Үнэлгээний системд салбарын хөгжлийн индекс ашигласнаар бүс нутаг, хотууд, орон нутаг өрсөлдөх орчин бүрдэнэ.
5. Стандартууд шинэчлэгдэж биеийн тамир спортын сургалт, үйлчилгээний орчин шаардлагын түвшинд хүрнэ.
6. Салбарын ажиллагсдын нийгмийн асуудал шийдэгдэх эрх зүй, санхүүгийн орчин бүрдэнэ.
7. Салбарын хөрөнгө оруулалтаар төр хувийн хэвшлийн түншлэл хөгжинө.
Аялал жуулчлалын салбарт:
1. Салбарын хөгжлийн эрх зүй, тогтолцооны орчин бүрдэнэ.
2. Аялал жуулчлалыг төрөлжүүлж хөгжүүлснээр тусгай сонирхлын аяллын баталгаат маршрут, бүтээгдэхүүн, үйлчилгээ бий болж “тогтвортой аялагчид”-тай болно.
3. Бүсчлэлийн бодлого хэрэгжүүлснээр эко туризм, байгаль орчинд ээлтэй, хариуцлагатай аялал жуулчлал хөгжих орчин бүрдэнэ.
4. Аялал жуулчлалын томоохон цогцолборуудыг төр хувийн хэвшлийн түншлэлээр барьж байгуулна. Нүүдэлчдийн түүх, зан заншил, соёл, археологи, палеонтологийн талаархи мэдлэг мэдээлэл сайжирна.
5. Зам тээвэр, харилцаа холбоо, нийтийн үйлчилгээний орчин сайжирч аялахад хялбар, хямд төсөр болно.
6. Стандартууд шинэчлэгдэж зочлох үйлчилгээний орчин шаардлагын түвшинд хүрнэ.
7. Салбарын хөрөнгө оруулалтаар төр хувийн хэвшлийн түншлэл хөгжинө.
Сэтгэгдэл (1)