Их эвслийн засгийн газар байгуулах саналыг МАН-д дэвшүүлж байгаа талаар МАН-ын бага хурлын гишүүн С.Нэргүй дараах мэдээллийг өглөө.
Тэрбээр "МАН-ын бага хурлын хэлэлцэх асуудалд намын гишүүдийн дараах саналуудыг хэлэлцүүлж өгнө үү хэмээн санал хүргүүлж байна. Шинээр үүсгэн байгуулагдах Засгийн газрыг Үндэсний их зөвшилцлийн Засгийн газар байгуулах. Үүнд, парламентад суудалтай намуудтай хамтарч ажиллах, мөн шинээр сонгогдох Ерөнхий сайдад тавигдах шалгуур нь МАН-ын гишүүдийн эв нэгдлийг хангаж чадах, улс орны нэгдмэл байдлыг эрхэмлэж ажиллаж чадах нэр дэвшигчийг дэвшүүлэхийг хүсэж байна. Энэхүү саналыг намын бага хурлаар хэлэлцүүлж өгөхийг хүсье.
Их эвслийн Засгийн газар байгуулах нь улс орны эрх ашигт нийцнэ. Тиймээс намын эрх ашгийг хоёрт тавъя.
Их эвслийн Засгийн газар байгуулан ажиллах нь Монголчуудын нийтлэг эрх ашигт нийцнэ гэж үзэж байна" гэв.
