Нийслэлийн мэргэжлийн хяналтын газрын дарга Г.Баярсайханыг хотын дарга Э.Бат-Үүлтэй зөвшилцөлгүй хууль бусаар томилсон гэж ажлаас нь чөлөөлсөн билээ. Түүнийг хууль бусаар НМХГ-ын дарга болгосон гэж хотын дарга тус байгууллагын дансыг хааж, 581 ажилтан цалингаа авч чадахгүйд хүрээд байсан юм.  Тэгвэл Г.Баярсайханыг өөрийн хүсэлтээр ажлаас гарах өргөдлөө өгсөн гэж байсан ч тэрбээр өөрийгөө хууртсан гэж үзэж, ажлаа өгөхгүй байхаар шийджээ. Учир нь өнгөрсөн баасан гарагт түүнийг НМХГ-ын дарга болсноос ажилчдын цалинг өгөхгүй байгаа гэж ажилчид нь жагсаж байна хэмээн хуурч өргөдлийг нь бичүүлсэн гэжээ. Тэрбээр  "МХЕГ-ын  түр орлон гүйцэтгэгч Д.Гүньбазар ажилтан, албан хаагчдын нэр барьж, жагсаж цуглана хэмээн хуурсан. МХЕГ-ын удирдлагууд намайг хуурч өргөдөл бичүүлсэн байна. Ажлаа хүлээлгэж өгөх эрх зүйн үндэс надад байхгүй" гэжээ.

   Харин түүнийг ажлаас чөлөөлөх тушаал аль хэдийн гарсан бөгөөд ажлыг нь дэд дарга М.Ням-Очирт хүлээлгэж өгөхөөр болсон байна. Г.Баярсайханы хувьд хууль бусаар, хууртаж ажлаасаа чөлөөлөгдсөн гэж үзэж байгаа тул одоо болтол дэд даргад тамга, тэмдгээ хүлээлгэж өгөхгүй байгаа аж.


.