Сүхбаатар дүүрэг үүсэн байгуулагдсаны түүхт 60 жилийн ойг тохиолдуулан Монгол шуудан ХК-тай хамтран дурсгалын маркыг бүтээжээ.
Энэхүү маркны эх зураг нь 1973 оны 02 дугаар сарын 02-ны өдөр жанжин Д.Сүхбаатарын мэндэлсний 80 жилд зориулан Урлагийн гавьяат зүтгэлтэн, Ардын зураач А.Сэнгэцохиогийн “Төрийн тамга хүлээн авах ёслол” бүтээлээр гаргаж байсан 20 мөнгөний маркийн үнийг засварлан “Сүхбаатар дүүрэг 60 жил” нэртэйгээр дахин сэргээж, ийнхүү худалдаанд гаргаж байгаа юм.
Дурсгалын марк нь “Сүхбаатар дүүрэг 60 жил” сэдэвт Монгол Улсын шуудангийн үйлчилгээнд орох гэж буй 1184 дэх шуудангийн марк буюу үнэт цаас болж байна.
Маркийн хэмжээ: 30х40 мм
Хэлхээний хэмжээ: 110х110 мм
Засварласан тоо: 16000 ш
Анхны өдрийн дугтуйны хэвлэсэн тоо: 500 ш
Л.Баяр
