“Олимпик Резиденс” хотхоны зарим орон сууц, үйлчилгээний талбай нь Худалдаа, хөгжлийн банкны зээлийн барьцаанд байгаа бөгөөд компанийн удирдлага болох Б.Цэндсүрэн болон зарим удирдлагууд нь энэхүү байдлыг нуун дарагдуулах байдлаар “Худалдах, худалдан авах гэрээ” хэлцэл хийсэн тохиолдлууд гарч байна.

Иймд, аливаа гэрээ хэлцэл хийх, урьдчилгаа төлбөр төлөхийн өмнө тухайн эд хөрөнгийн эрхийн улсын бүртгэлийн дэлгэрэнгүй  лавлагааг үзэх, барьцаанд байгаа эсэхийг лавлаж тодруулахыг зөвлөж байна.

Барьцаанд байгаа хөрөнгөтэй холбоотой хэлцлийг банкны зөвшөөрөлгүйгээр хийснээр хөрөнгө, барьцааны маргаанд татагдан орох, барьцааны эрх тухайн хөрөнгийг дагаж шилжих зэргээр хөрөнгө мөнгө, цаг хугацаагаар хохирох нөхцөл байдал үүсэж болохыг анхаарна уу.

Түүнчлэн шаардлагатай тохиолдолд тус хөрөнгийг барьцаанд байгаа эсэх талаар мэдээллийг доорх цахим шуудан болон утсаар холбогдож авна уу.

Холбогдох утас: 11-329091; и-мэйл хаяг: amu@tdbm.mn

ХУДАЛДАА ХӨГЖЛИЙН БАНК ХК