ХХБ жил бүр Ромеро Бриттогийн өнгөлөг, эерэг Happy Art урсгалыг таниулах зорилгоор гэр бүл хүүхэд багачуудын дунд гар зургийн уралдаан зохион байгуулдаг билээ. Энэ жилийн хувьд ч мөн адил хичээлийн шинэ жилийг угтан “HAPPY SCHOOL - HAPPY KIDS 2026" гар зургийн уралдааныг зохион байгуулж байгаа юм. Тус уралдаанаар дамжуулан сургуулийн орчин дах үе тэнгийн дээрэлхэлтийн эсрэг байхыг, хүүхэд багачуудын дунд хүндлэл, ойлголцол, нөхөрлөлийг дэлгэрүүлэхийг уриалж байгаа юм.

Түүнчлэн уралдаанд ирсэн бүтээлүүдийг Бразилын алдарт зураач Ромеро Бритто болон МУСГЗ, шог зураач С.Цогтбаяр нар шүүж, өнөөдөр шилдэг 12 хүүхдийн бүтээл шалгаруулж, шагналыг нь гардуулж өглөө.

Энэхүү шагнал гардуулах арга хэмжээний үеэр уралдаанд оролцсон хүүхдүүд эцэг эх гэр бүлийн хамт ирж, алдарт зураачтай хамт зургаа авахуулж, нэгэн өдрийг өнгө будаг, аз жаргалаар дүүрэн өнгөрүүллээ.

ХХБ нь 2021 оноос хойш Happy Art урсгалыг үндэслэгч, Бразилын алдарт зураач Ромеро Бриттотой хамтран ажиллаж, түүний оюуны бүтээлийг банкныхаа бүтээгдэхүүн үйлчилгээнд авч хэрэгжүүлж ирсэн билээ. Бид өнгөрсөн таван жилийн хугацаанд Бритто картыг зах зээлд нэвтрүүлж, нутагшуулахаас гадна Бритто төслийнхөө хүрээнд нийгэм, олон нийтэд чиглэсэн олон үйл ажиллагааг зохион байгуулж, Happy Art урсгалыг эх орондоо таниулж ирсэний нэг нь энэхүү гэр бүл, хүүхэд багачуудад чиглэсэн гар зургийн уралдаан юм.

ХХБ нь өнгөрсөн хугацаанд Бритто олон улсын төслөөрөө картын олон улсын стандартыг Монгол улсдаа нутагшуулан сурталчласнаас гадна Бритто карт, Happy Art-ыг амьдралынхаа нэгэн хэсэг болгож, найзалж нөхөрлөдөг, нэгэндээ тусалдаг “Бритточууд” гэх community-г нийгэмдээ бий болгоод байна.

Дэлхий даяар тод өнгө, дүрсний шийдлээрээ нэрд гарсан алдарт зураач Ромеро Бриттог ХХБ эх орондоо авчирч, улс орныхоо ирээдүй болсон Монгол хүүхэд багачуудтай уулзуулж чадсан, Бритточууд гэх эрч хүчтэй, нөхөрсөг community-г үүсгэсэн зэрэг нь манай банк нийгэмдээ сайн сайхныг үлгэрлэж байдгийн нотолгоо, олон улсын түвшинд аль хэдийн хүлээн зөвшөөрөгдсөний баталгаа болж байна.