Эрдэмтэд хөрсний эрүүл мэнд, түүний биологийн идэвхийг тодорхойлохын тулд ер бусын арга хэрэглэж, дэлхийн 25 гаруй оронд 1,000 хос даавуун дотуур хувцсыг хөрсөнд булжээ. Энэхүү судалгаа нь 2026 оны "Ig Nobel"-ийн Хөрс судлалын шагнал хүртсэн байна.
Судалгаанд оролцсон 1,000 иргэн өөр өөрийн амьдардаг орчинд даавуун дотуур хувцсыг тодорхой хугацаанд хөрсөнд булж, дараа нь гарган авч хэр хэмжээгээр задарсныг ажигласан байна. Дотуур хувцасны задрал нь хөрсөн дэх бичил биетэн болон бусад жижиг организм органик материалыг хэр идэвхтэй задалж байгааг харуулах үзүүлэлт болжээ.
Ийнхүү хөрсөнд амьдардаг организмын идэвх өндөр байх тусам даавуун материал илүү хурдан задарна гэсэн зарчмыг ашиглан тухайн газрын хөрсний биологийн идэвхийг харьцуулах боломжтой аж.
Энгийн мэт боловч сонирхолтой энэ арга нь хөрсний нөхцөл байдлыг олон газарт нэгэн зэрэг судлахад иргэдийг оролцуулах боломжтой гэдгээрээ онцлог юм. Тус өвөрмөц судалгааг шинжлэх ухааны ер бусын, бүтээлч ажлуудыг онцолдог "Ig Nobel"-ийн шагналаар есдүгээр сарын 3-нд Швейцарийн Цюрих хотод болсон ёслолын үеэр шагнасан байна.
Эх сурвалж: Associated Press (AP), ABC News.
Т.Золзаяа
Сэтгэгдэл (1)